Fu Xao
Fu Xao – indi adı çox çəkilməsə də, Çin tarixində ilk qadın general olub. Rəvayətə görə, o, XIII əsrdə yaşayıb və imperator U Dinin həyat yoldaşı olub. O, çox istedadlı sərkərdə idi və 13 min əsgəri idarə edirdi. Ümumilikdə, 20-dən çox dövlətin ordusuna qalib gəlib.
fu xa
Bundan başqa o, ustad kahinə idi. O, çox da uzun ömür yaşamayıb. Onun ölümüdən sonra Çin əsgərləri onun ruhunu qələbə üçün səsləyirmişlər…
I Artemissiya
Kariya hökmdarı Artemissiya həyat yoldaşının ölümündən sonra e.ə.V əsrdə Aralıq dənizi sahilində yerləşən Halikarnasda hakimiyyəti ələ alır. Salamin döyüşü zamanı o, Əhəməni hökmdarı I Kserksin tərəfində döyüşmüş, hətta bir neçə gəmini idarə etmişdi.
Döyüş zamanı o, yunanları, guya onların tərəfində olmaqla aldatmış və daha sonra farsların tərəfinə keçmişdi. I Kserks onun bu məharətini yüksək qiymətləndirmiş, hətta: “Mənim kişilərim arvad, arvadlar isə kişiyə çevrildi” demişdi…
Boudikka
Boudikka kelt tayfalarından olan isenlərin hökmdarının həyat yoldaşı olub. Onların yaşadığı formal olaraq, Roma imperiyasına tabe olsa da, əslində müstəqil idi. Ərinin ölümündən sonra romalılar onu tutub, nümayişkəranə surətdə döymüş, qızını isə zorlamışdı. Bundan sonra o, 61-ci ildə 50 min nəfərin iştirakı ilə üsyan təşkil edir.
Кeltlər Komulodin, Londoni və Verulami şəhərlərini tutub talan edirlər. Lakin üsyançılar dinc sakinlərə və qadınlara qarşı zorakılıq etmirlər. Rokster yaxınlığında döyüşdə isə, ordunun sayca üstün olmasına baxmayaraq, Boudikka məğlub olur. Bəzi verisyalara görə, o, məğlubiyyətini hiss edib intihar edir. Digər versiyaya görə isə, xəstəlikdən dünyasını dəyişir.
Janna d’Аrk
Janna d’Ark XV əsrdə yaşayıb və o vaxtdan Fransanın milli qəhrəmanı hesab olunur. Belə deyilir ki, o, Donremi kəndində, varlı kəndli ailəsində anadan olub. Belə rəvayət edilir ki, yetkinlik yaşına çatanda o, Orleanı ingilislərdən azad edəcəyini ön görür…
Qranual
İrland qız tarixə “Rokflitli ifritə” adı ilə düşüb. Bu adın hərfi mənası isə “keçəl Qrayne”dir. O, bir gün atasından onu çimməyə aparmağı xahiş edir, lakin atası razı olmur. Atası deyir ki, qadınları qayığa mindirmək bədbəxtlik əlamətidir. Buna görə də, o, kişiyə oxşamaq üçün saçını keçəl edir.
O, bir neçə dəfə evlənib və uşaqlar dünyaya gətirib. Dəniz döyüşlərinin birində öz döyüşçülərini ruhlandırmaq üçün “Doğmaq döyüşməkdən ağırdır” demişdir.
Bir versiyaya görə, o, Rokflit qəsrində, digər versiyaya görə isə, dəniz döyüşlərinin birində həyatını itirib.
Nakano Takeko
Nakano Takeko sayları çox da olmayan qadın samuraylardan sonuncusudur. O, 1868-ci ildə Bosində vətəndaş müharibəsi (Əjdahalar Müharibəsi) zamanı həlak olub. Döyüş Tokuqava klanı ilə imperator tərəfdarları arasında gedirdi.
Qadınlara kişilərlə birlikdə döyüşmək qadağan edilsə də, Takekoya sonunda bir bölüyə rəhbərlik etmək həvalə olunur. Onun rəhbərlik etdiyi bölük Qadın ordusu adlanırdı və rəsmi orduya tabe deyildi. Deyilənə görə, o, 172 kişi samuray məhv edib. Sonunda imperator ordusunun əsgərləri onu yaralayır və o, bacısından onun başını kəsməsini və basdırmasını xahiş edir. Səbəb, düşmənin onun başını zəfər əlaməti kimi nümayiş etdirə bilməməsi idi.
O vaxtdan bəri hər payız xüsusi festival təşkil edilir və qadınlar başlarına Takeko və onun əsgərlərinin təsviri olan geyim geyirlər.
Lozen
Lozen – çirikaua-apaçi qəbiləsinin əfsanəvi qadın sərkərdəsi olub.Rəvayətə görə, 16 yaşında olarkən, o, kəndə gəlmiş bir yad kişiyə aşiq olur. Lakin qarşılıq almadığına görə, and içir ki, bir daha kiməsə aşiq olmayacaq və kiminləsə evlənməyəcək…
