Stalinin son illəri…1952-ci il…
Sovet təyyarələri Abakan üzərindən keçərkən maqnit fırtınasına uğradıqlarını və radarların pozulduğunu məruzə edirlər. 2 təyyarə qəzaya uğrayır, araşdırmalar isə heç bir nəticə vermir…
Nikolay Şvernik (Nikolay Şvernik 1946-1953-cü illərdə SSRİ Ali Soveti Prezidiumunun sədri vəzifəsində çalışıb və daha sonra üzvü olub) dönəmi…1959-cu ildə daha iki təyyarə eyni aqibəti yaşayır. Bəzi koordinatlar üzrə uçuş qadağası elan edilir. Bu qadağa Brejnev dönəminədək davam edir. Bu zaman daha üç hərbi və bir mülki təyyarə həmin ərazi üzərində qəzaya uğrayır. Araşdırma nəticələri bəlli olmur.
Sonrakı illərdə də Abakan üzərində müxtəlif siqnallar təsbit edilir. Eyni təsbit ABŞ peykləri vasitəsilə də olunur.
Vasili Kuznetsov (Vasili Kuznetsov üç dəfə – 1982—1983, 1984 və 1985-ci illərdə nominal olaraq, SSRİ-nin başçısı olub) dönəmi…1984-cü ildə bu məsələ ətrafında araşdırmalar başlayır, lakin bir neçə ay sonra o, vəzifədən ayrılır…
1988-ci ildə başa Mixail Qorbaçov keçir…1991-ci ildə məlum olduğu kimi SSRİ dağılır… Bir neçə il sonra Qorbaçov öz xatirələrini anladarkən deyəcəkdi: “Qəribədir ki, SSRİ iqtisadi təlatümlər içində ikən, Vatikan bir məzar üçün 2 milyon dollar təklif etmişdi…”
Bu məzar hansı məzar idi?
SSRİ dağıldıqdan sonra bir çox məxfi sənəd, qiymətli əşyalar, medallar ölkədən çıxarılmış, bazarlarda baha qiymətə satılmışdı. Mərkəzi Kəşfiyyat İdarəsi başda olmaqla, bir çox kəşfiyyat qurumları bu sənədləri kolleksiyaçılar vasitəsilə ələ keçirmişdilər.
1960 və ya 1970-ci illərə aid bir sənəd hansısa bir raportdan bəhs edilirdi; buna bir çoban Xakasiyanın bu günkü paytaxtı Abakan yaxınlığında çox qədim, “dəlikli qaya və ya müqəddəs qaya” adlanan ərazidə rast gəlibmiş…Orada divarlara qəribə cizgilər çizilmişdi. Çoban burada axtarış etməyə başlayır, xəzinə tapa biləcəyi ümidi ilə qazır bu yeri…Lakin az sonra o və onun yaxınları xəstələnib ölürlər…Daha sonra bu ərazidə araşdırmalar başladılır və qədim bir məzar tapılır. Qəribə olan odur ki, araşdırma üzvlərindən də bəziləri tezliklə həyatdan köçür…Belə olduqda işə “KQB” (Dövlət Təhlükəsizlik Komitəsi) qarışır və burada radiasiyanın olduğu aydınlaşır.
Uzun cəhdlərdən sonra məzara enməyə müəssər olurlar. Buradan iki skelet, küplər, divarda çizgilər aşkarlanır.
Lakin ən maraqlı tapıntı, bir insan boyda olan qızıl rəngli buynuz idi. Divarda da əlində buynuz olan rəsmlər çəkilmişdi.
Dərhal bu ərazi yasaq bölgə elan edilir. Skeletlər də qəribə idi, düzdür, insan skleletləri olduğu təsdiq edilsə də, yadplanetlilərə aid olması dedi-qodusu da gəzməkdə idi. Həm skeletlərin, həm də tapıntıların (qızıl buynuz xaric) analizi aparılır və onların ən azı 30 min il yaşı olduğu iddia edilir.
Hər şeyə rəğmən, buynuzu kimsə yerindən çıxara bilmir ki, bilmir… Brejnev – Karter yaxınlaşması zamanı amerikan bilim adamları da dəvət edilir, onlar da araşdırmalar aparır, lakin eyni nəticələr əldə olunur.
Buynuzun tərpədilməsi mümkün olmadığı tədqirdə bir qazax türkü şaman dəvət edilir.
Çox ciddi gizlilik şəraitində dəvət edilən şaman məzara enərək, bu sözləri deyir: “Atalarımızın sümükləri sızıldayır, eşitmirsizmi? Bu buynuzu burdan çıxarsanız, göy üzündən də seyr ediləcək böyük fəlakətlə qarşılaşacaqsız, bizim də dirilişimiz olacaq…”
Şamanın yerinə yetirdiyi ayindən sonra buynuzu min illərdir qaldığı yerindən, nəhayət ki, çıxarmaq mümkün olur.
Buynuzu yük maşınına yükləyirlər və ən yaxınlıqda yerləşən hərbi hava limanına aparırlar. Onu bir təyyarə yerləşdirib aparmaq istərkən, daha bir qəribə hadisə baş verir, təyyarə işə düşmür. Başqa bir təyyarə gətirilsə də, o da eyni aqibəti yaşayır. Beləliklə, sonunda onu Moskvaya gətirə bilirlər.
Bir neçə ilə sonra buynuzu Ukraynaya, daha doğrusu, Çernobıla aparırlar. Buynuzun burada nə qədər qaldığı bilinməsə də, bilinən odur ki, 26 aprel 1986-cı ildə Çernobıl atom elektrik stansiyasında dəhşətli partlama baş verir və bu partlayış, kosmosdan da müşahidə edilir. Az sonra sovetlərin tərkibində olan türk yurdları müstəqillik qazanır… Bütün bunlar şamanın dediyi kimi də olur…
Daha sonra Qorbaçov bunu Krımdakı evində “Türklərin qədim mədəniyyəti boyunduruq altında tutula bilinməzdi….” deyəcəkdi.
Bu qızıl buynuz, özü ilə bərabərində bir çox sirləri saxlayır və buna görə də böyük güclərin diqqətini cəlb edirdi…