Qədim dövrlərdən məşhur olan 12 qəribə idman növü
SportİSM

Qədim dövrlərdən məşhur olan 12 qəribə idman növü

1. Pankration

Pankration (qədim yunanca mənası – “bütün güc”), müasir dillə desək, qaydasız döyüşdür. Bu qədim yunan döyüş növü özündə boks, güləş və karate elementlərini birləşdirirdi. İki şey qadağan olunurdu: rəqibi dişləmək və gözünü çıxarmaq…Qalan hər şey qaydalar çərçivəsində hesab edilirdi. Döyüş, sonda iki döyüşçü qalanadək davam etdirilirdi. Yekun döyüşün qalibi çempion elan olunurdu. 

Bu döyüş növünü yunanlar Herakl və Teseyin döyüşü adlandırırdılar.

2. Balıqçılar turniri

Kişilərdən ibarət iki qrup balıqçı komandası qayıqları ilə Nilin ortasınadək gəlir və burada bir-birilərini sivri çubuqlarla vururdular. Bu idman növü Misirdə, hələ fironlar dönəminə qədər çox məşhur idi. Bu yarışlar zamanı hətta timsahlar və hippopotamlar idmançılara hücum edir və onları parçalayırdı. Sonralar yunanlar və romalılar arasında da məşhurlaşmışdı bu idman növü…

3. Navmaxiya

Navmaxiya —romalılar arasında yayılmış dənizçi yarışı idi və hərfi tərcüməsi “dəniz döyüşü” mənasını verirdi. Romalılar arenanı su ilə doldurur və qayıqları arenaya gətirərək döyüşürdülər. Bu döyüşdə əsasən, hərbi əsirlər və ölüm hökmünə layiq görülənlər iştirak edirdilər. Döyüşün sonu, böyük əksəriyyət, ölümlə nəticələnirdi.

4. Venatsio

Bu döyüş növü insanlarla heyvanlar arasında keçirilirdi. Bəzən silahsız insanlarla aslan və ya ayını döyüşdürürdülər.

5. Əsa ilə döyüş – nquni 

Bu döyüş  bu gün də zuluslar arasında geniş yayılıb. Hər döyüşçüyə iki çubuq – biri hücum, o biri müdafiə üçün – verilirdi. Düzdür, bu döyüşdə ölüm halları az rastlanan olsa da, müxtəlif yaralarla, zədələrlə tez-tez rastlaşırdı idmançılar. Döyüş əsasən, toy mərasimləri zamanı, bəy və gəlin tərəfi arasında keçirilirdi.

6. Pelota

Bu oyun otüstü hokkeyi xatırladır, lakin Orta Amerikada yanan şaybalardan istifadə olunurdu. Meksikada bu idman növünün yenidən bərpa olunması çağırışları tez-tez edilməkdədir.

7. Baldıra təpik zərbəsi vurmaq

Bu idman növünün əsas qaydası, iki nəfərin qarşı-qarşıya durub, bir-birinin baldırına təpik zərbələri endirməsi idi. Döyüş İngiltərədə yüz illərdir ki, mövcuddur. Hətta hazırda bu idman növü üzrə dünya çempionatı da var.

8. Dəvənin üzərindən tullanmaq

Bu idman Yəmən ərazisində yaşamış Zaranik qəbiləsi tərəfindən yaradılıb. Qayda belə idi ki, iştirakçılar mümkün qədər çox sayda dəvənin üzərindən tullanmalı idilər.

9. Pato

Pato — Argentinada rəsmi idman növüdür. Bu, bir növ polo ilə basketbolun sintezidir. İştirakçı komandalar at üzərində çaparaq, topu öz tərəflərinə atmalı idilər. Əvvəllər top əvəzinə ördəkdən istifadə olunurdu.

10. Buzkaşi

Buzkaşi — Əfqanıstanın milli idman növüdür. İştirakçılar başsız keçi cəmdəyini qapı xəttindən keçirməli idilər. Bu idman növü Taliban dövründə qadağan olunsa da, hazırda yenidən populyarlıq qazanıb. Hətta bu idman növünə baxmaq üçün minlərlə azarkeş gəlir.

11. Vikinqlərin dəri dartmaq idmanı

Hazırki kanat dartmaq idmanına çox oxşayır. Lakin fərqi odur ki, yarış böyük yanar çuxurda keçirilirdi. Qaliblər məğlub tərəfin kəndini qarət etmək və qadınlarını zorlamaq haqqı qazanırdılar.

12. Ulama

Bu, mayyalar tərəfindən icad edilmiş və daha çox Mərkəzi Amerikada məşhur olmuş idman növü idi. Müasir basketbolu xatırlatsa da, top əvəzinə insan başından istifadə olunudu. Bu başlar da əsasən, uduzan iştirakçıların başları olurdu.

Интересные-факты.com