Misir tarixi, kraliça Hatşepsut və Kleopatra ilə bağlı xeyli məlumatlarla doludur. Bəs e.ə. 3133-cü ildə VI Sülalənin son hökmdarı olan Nitokris haqqında kim nəsə bilir?
O, Misiri süqutdan qurtardı. Qardaşı, firon Nefer-ka-ra hakimiyyəti ələ keçirmək istəyən bir qrup tərəfindən öldürüldü. Ölkə kiçik krallıqlara parçalandı, xaos, dərəbəylik tüğyan etdi. Hamı bu xaosun bitməsini, nicatın gəlməsini gözləyirdi. Bu nicat öldürülən fironun bacısı Nitokrislə gəldi. Parçalanmış ölkəni birləşdirməyi, xaosu yatırmağı hədəfləyirdi Nitokris…
Nitokris 12 il hökmranlıq etdi və ölkə xaosdan qurtuldu. O, öz hökmranlığı ilə bir şeyi öyrətdi: Xaosu, parçalanmanı yatırmaq üçün güclü sərkərdə olmaq lazım olmurdu hər zaman…Bunun üçün iti ağıl, kəskin zəka önəmli idi…
Bir şeyi də anlamaq gərəkdir. Bütün bunlar təxminən beş min il əvvəl baş verirdi. Biz öyrəşmişik ki, qədim əcdadlarımızı ibtidai, biliksiz, barbar təsəvvür etməyə…Lakin Nitokris, bir qadın hökmdar olaraq, bütün bunların üzərindən xətt çəkdi. Sonralar, qadın hökmdarlardan kelt hökmdarı Boudika, fransız Janna d’Ark, I Yelizaveta gücdən istifadə etsə də, Nitokris ağla, kəşfiyyatın gücünə, zəkaya arxalandı…
