ABŞ-ın Massaçusets Texnologiya İnstitutunun alimləri çinli həmkarları ilə birlikdə musiqi dərslərinin nitq mədəniyyətinə nə kimi təsir etdiyini araşdırıb. Bunun üçün Çin dilinin şimal dialektində danışan 4-5 yaşlı 74 uşaq arasında təcrübə aparılıb. Uşaqlar 3 qrupa ayrılıb:
Birinci qrupa həftədə 3 dəfə olmaqla, 45 dəqiqə musiqi dərsi, ikinci qrupa yalnız oxu qabiliyyətinin inkişaf etdirilməsi üçün dərslər, üçüncü qrupa isə adi uşaq bağçasının qrafiki üzrə dərslər tədris olunub.
Yarım ildən sonra uşaqlar arasında sözlərin tələffüz edilməsi üçün test keçirilib. Testin yekununda fortepiano dərsi alan uşaqların daha yaxşı nəticə göstərdiyi məlum olub. O da məlum olub ki, onlar samit səslərin üstünlük təşkil etdiyi sözləri daha yaxşı tələffüz edirlər. İkinci qrupun uşaqları isə sait səslərin üstünlük təşkil etdiyi sözləri daha yaxşı tələffüz edib. Həmçinin fortepiano dərsi alan uşaqlarda intonasiya da fərqli alınıb.
Lakin İQ səviyyəsinin ölçülməsi məqsədilə aparılan sınaq, həmçinin diqqət və yaddaş üzrə testlər hər üç qrupa daxil olan uşaqlar arasında heç bir fərqin olmadığını sübut edib.
Mənbə: Vokrugsveta.ru
