“Metaverse”də toy reallığa çevrildi
Yaşam

“Metaverse”də toy reallığa çevrildi

COVID-19-un dünyamıza bəxş etdiyi müsbət elementlərdən biri də virtual reallıqlardır. Lakin bunu nə qədər müsbət olması da mübahisə mövzusudur. Gündəlik fəaliyyətimizə “onlayn tədbirlər” anlayışı daxil olduqdan sonra, “VR” (artırılmış virtual reallıq) ilə dünyadan köçmüş əzizlərimizlə “görüşmək” imkanı qazanıldı. Hələ bundan sonra nələr olacaq, yəqin ki, bizləri çox təəccübləndirəcək.

“Bir ötəki dünya” olan “Metaverse” bizə bir yeniliyi də təqdim etdi. Bu, virtual toydur.

Treysi və Deyv Qanyon müvafiq olaraq, 52 və 60 yaşındadırlar. Hər ikisi eXp Realty şirkətində çalışırlar. Onlar buludda (cloud) tanış olublar və buna görə burada evlənməyi qərara aldılar. Həftəsonu “Əmək günü”ndə onlar, daha doğrusu, onların rəqəmsal avatarları iş, öyrənmə və virtual tədbirlər həyata keçirməklə məşğul olan “Virbela” şirkətinin düzənlədiyi “mərasim”lə toy etdilər. Qeyd edək ki, bu şirkət exP Realty-nin bir hissəsidir.

“Metaverse” üzərindən gerçəkləşdirilən toy mərasiminə “dəvət” olunanlar da qonaqların avatarları idi.