Qayana – Latın Amerikasında yerləşən yeganə ölkədir ki, əhalisi rəsmi olaraq ingilis dilində danışır. Maraqlıdır ki, ölkənin rəsmi adı Qayana Kooperativ Respublikasıdır. Bu ad, 1970-ci illərdə kənd təsərrüfatında kooperativlərin inkişafı kursu ilə əlaqəlidir.
Atlantik okeanının sahil əraziləri o qədər də cazibədar deyil, buralar əsasən, bataqlıqlardan ibarətdir. Ölkə ərazisinin 90%-ni sıx cəngəlliklər təşkil edir.
Ölkədə bütün yollar torpaq yollarıdır. 8 min km-lik yol infrastrukturunun yalnız 590 km-i asfaltdır. Sıx cəngəlliklər üzərindən asma körpülər çoxluq təşkil edir.
Ölkənin ən hündür ərazisi Rorayma dağıdır. Bu yer, Artur Konan Doyl üçün ilham mənbəyi olub. O, öz məşhur “İtirilmiş dünya” romanını buradan ilhamlanaraq yazıb.
Qayanada kanal və drenaj sisteminin inkişafı holland təcrübəsinə minnətdar olmalıdır. Ölkədə su problemi yoxdur.
Evlər üçün xarakterik olan odur ki, hamısı taxtadandır. Burada çox mərtəbəli binalar yoxdur, maksimum 1-3 mərtəbəli binalar var.
Məbədlər də taxtadandır. Yeri gəlmişkən, ölkədə Çin və Hindistandan gələnlər çoxluq təşkil edir. Karib hindustani dili, ingilis dilindən sonra ikinci ən vacib dildir. Əhalinin 28%-i hinduizmə sitayiş edir.
Qayanada qoruqlarda ən nadir fauna növləri qorunmaqdadır. Hansı ki, bu növlərin əksəriyyəti yox olmaq təhlükəsi ilə üz-üzədir.
Qayana, Niaqara şəlaləsindən təxminən beş dəfə, Viktoriya şəlaləsindən isə iki dəfə böyük olan Kayetur şəlaləsi ilə də məşhurdur.
