Kral Süleymanın həyat hekayəsi Bibliya katibləri tərəfindən təhrif olunub və yenidən yazılıb? Bəzi tarixçilər iddia edir ki, onun qızıllarından İsraildə heç bir iz qalmamasının yeganə məntiqi izahı elə budur.
54 yaşlı Ralf Ellis iddia edir ki, hazırki məzənnə ilə 3 trilyon dollar dəyərində olan 500 ton qızıldan ibarət xəzinənin hələ də tapıla bilməməsi onu bu qənaətə gəlməyə vadar edib.
Onun sözlərinə görə, Süleyman heç də İsrail padşahı deyildi. O, eramızdan əvvəl X əsrin sonlarında Misir və İsraili idarə edən I Şuşank adlı Misir fironu (əksər alimlər onu Müqəddəs Kitabda adı çəkilən Misir kralı Şişak ilə eyniləşdirilir) idi .
Ralf özünün “Misir fironu Süleyman” adlı kitabında Misirdə, Krallar Vadisində firon sərdabələrini yağmalayan qonşu krallardan və onların işğallarının qarşısını almaq üçün Süleymana böyük bir sərvət hədiyyə olunmasından bəhs edir. “Müqəddəs Kitaba görə, padşah Süleyman inanılmaz dərəcədə zəngin idi. İlahiyyatçılar və arxeoloq nəsilləri onun paytaxtını, sarayını, məbədini və mülklərini axtarmaq üçün müqəddəs torpaqları ələk-vələk etdilər, lakin heç bir uğur qazana bilmədilər. Sonda biz bunu qəbul etmək məcburiyyətindəyik. Tövrat tamamilə uydurmadır və ya səhv yerdə və yanlış şeylərin ardınca getdiyimizi başa düşürük.” Əgər onun nəzəriyyəsi doğrudursa, Süleymanın xəzinələri Qahirədəki Misir Muzeyində asanlıqla tapılacaq, orada o dövrə aid onlarla əşya aşkar ediləcək.” deyə Ellis qeyd edir.
Tərcümə etdi:
İsmayıl Süleymanov
