İdrar qaçırmanın yaşam komfortuna mənfi təsir edəcək problem olduğunu və fərqli şəkillərdə ortaya çıxdığını qeyd edən Qadın Xəstəlikləri və Doğum uzmanı Prof.Dr. Önay Yalçın, bu problem haqqında maraqlanılan suallara cavab verir.
İdrar qaçırma, təəssüf ki, qadınlarda tez-tez müşahidə olunan yaşam komfortunun pozulmasıdır. Belə demək mümkünsə, hər üç qadından biri bu problemlə qarşılaşır. Bu problemin səviyyəsi fərqli dərəcələrdə ola bilir. Ağır dərəcədə, davamlı şəkildə sanitar ped daşımaq məcburiyyətində qalan xanımlarda, idrardan islanmış pedlər dəridə aşınmalar yaradır. Hətta müəyyən infeksiyalar da əmələ gələ bilir.
İdrar qaçırma sancılarla ola bilər.Tez-tez idrara getmə, təntimə, gecə idrara tez-tez qalxma, idrara çıxarkən yanma və ya az-az etmə, sidiyə çıxa bilməmə və tam boşalmama bu misallar arasındadır.
İdrar qaçırma çox fərqli şəkillərdə ola bilər; gülərkən, öskürərkən, ağır bir şey qaldırarkən və ya idman edərkən. Digər bir idrar qaçırma da tualetə çatmamaq şəklindədir ki, əsasən yaşla əlaqədardır. Bəzi qadınlarda hər iki tipdə idrar qaçırmaya da rast gəlinir. Bu, yuxu əsnasında da ola bilər. Ən rahatsız edici olan isə cinsi əlaqə zamanı bu halın baş verməsidir.
