“Simpsonlar” (“The Simpsons”) cizgi filmi barədə çox danışılıb, çox yazılıb. Bəziləri onu adi cizgi filmi, bəziləri isə biriləri tərəfindən gələcəkdə həyata keçiriləcək planlarının subliminal mesajı kimi qəbul edir. Hər bir halda, bu cizgi filmi ekranlara çıxdığı ilk gündən bəri milyonların marağına və sevgisinə, eyni zamanda, bitib, tükənmək bilməyən söz-söhbətlərə səbəb olub.
İndi isə bu cizgi filmində “öngörülən” bəzi məqamları diqqətinizə çatdırmaq istəyirik.
Cizgi filminin 1994-cü ildə yayımlanan dördüncü sezonunun altıncı bölümündə, bir səhnədə bilbordun üzərində “İtchy” kamera ilə “Scratchy”nin başına vurur və qan ətrafa fışqırır. Bu səhnə daha sonra çəkilmiş “Kill Bill” filmində də səhnələşdirilmişdir.
2008-ci ildə yayımlanan bir bölümdə Homer səsvermə kabinetində Obamaya səs verir, lakin səslər Con Mak-Keynə (John Mc Cain) gedir. Buna bənzər hadisə 2012-ci il seçimlərində baş vermişdi. Belə ki, Pensilvaniyada Obamaya verilən səslər qəribə bir şəkildə Mit Romninin (Mitt Romney) hesabına yazılmışdı.
1999-cu ildə ekranlara çıxan on birinci sezonun bir bölümündə göstərilir ki, bağdan dərilən pomidorun içərisi nüvə radiasiyası nəticəsində tütünlə mutasiyaya uğrayıb. Buna oxşar hadisə 2011-ci ildə Yaponiyada Fukişima nüvə santarlı yaxınlığında da qeydə alınmışdı.
1994-cü ildə yayımlanan başqa bir bölümündə aşpaz qadının at ətindən istifadə etdiyi və bunun böyük skandala səbəb olduğu göstərilir. 2013-cü ildə İngiltərədə baş verən at əti skandalı böyük əks-səda yaratmışdı.
2001-ci ildə ekranlara çıxan bir bölümdə “Albukerk İzotops” (“Albuquerque İsotopes”) beysbol komandasının stadionu təsvir edilib. Çox qəribədir ki, 2003-cü ildə bu beysbol komandasının yeni stadionu istifadəyə verilmiş və cizgi filmdəkinə oxşarlığı ilə diqqətləri çəkmişdi.
1998-ci ildə yayımlanan bir bölümdə bağbanlıq edən simulyatorda oyun oynayan Bartın yer aldığı səhnə, əslində 2009-cu ildə məşhurlaşan “Farm Ville” oyununun birəbir özü idi.
Cizgi filminin 1995-ci ildə yayımlanan altıncı sezon, doqquzuncu bölümündə ağıllı telefonlar öncə görülmüşdü. O zaman sadəcə röya olan ağıllı telefonlar, “Simpsonlar”da yer almışdı. Üstəlik, şəkildə telefondakı loqoya diqqət etmək lazımdır.
1992-ci ildə filmin növbəti bölümlərinin birində çağaların ağlamağınıı anlayan cihazdan söz açılır. Bu cihaz 2013-cü illərdə istehsal olunaraq, satışa çıxarılır.
1993-cü ildə yayımlanan beşinci sezonun onuncu bölümündə bir ağ pələngin sirkdə sehrbazların üzərinə atılıb parçalaması səhnələri yer alır. Belə bir hadisə 2003-cü ildə reallığa çevrilir.
1995-ci ildə yayımlanan “Lizanın toyu” bölümündə canlı görüntülü danışmaq səhnəsi yer alır ki, bu da illər sonra, indi hər birimizin tez-tez istifadə etdiyi görüntülü söhbətdir.
1997-ci ildə cizgi filminin bir bölümündə o vaxt hələ “məşhurlaşmamış” “Ebola” virusundan da söz açılır. Qeyd edək ki, bu virus 2013-cü ildə Qərbi Afrikanı öz cənginə alacaqdı.
1995-ci ildə yayımlanan “Lizanın toyu” bölümünün bir başqa səhnəsində robot kitabxanaçılardan söz açılır ki, bir il sonra reallığa çevrilir.
2012-ci ildə yayımlanan iyirmi üçüncü sezonun bölümlərinin birində Ledi Qaqanın (Lady Gaga) “Super bowl” performansı “öngörülmüşdü”.
1995-ci ildə yayımlanan başqa bir bölümdə Liza və nişanlısının birlikdə yatması səhnəsi yer alır. Əsas məsələ isə arxada idi, divarda asılmış şəkildə “Rolling Stones” qrupunun 2010-cu ildə baş tutacaq turnesi görüntülənirdi. Maraqlıdır ki, bu turne 2010-cu ildə baş tutmasa da, 2012-ci ildə gerçəkləşir.
1995-ci ildəki başqa bir bölümdə isə naməlum səbəbdən kökündən çıxarılmış limon ağacı görüntülənir. 2011-ci ildə isə belə bir hadisənin yaşanması hamını təəccüb içində buraxır.
Daha bir maraqlı məqam filmin 2014-cü ildə yayımlanan iyirmi beşinci sezon, on altıncı bölümündə yer alır. Belə ki, filmdə FİFA-nın o vaxtkı prezidentinin köməkçisi olmuş Cek Uorner cibindən FİFA jurnalı çıxarır və jurnalın üz qabığında “futbol skandalı” yazısı görünür. Bir il sonra isə FTB (FBİ) onu 2010-cu il Dünya Çempionatının Cənubi Afrika Respublikasında keçirilməsi müqabilində 1 milyon dollar rüşvət alması iddiası ilə günahkar bilərək həbs edir.
“Lizanın toyu” bölümünün başqa bir yerində Londondakı Big Ben qülləsinin arxasında qəribə bir bina təsvir olunmuşdu. Bu, 2009-cu ildə inşa ediləcək “Shard” adlı bina idi.
2001-ci ildə ekranlara çıxan bir bölümdə qeyd olunur ki, Homer öz polis dəstələrini yaradır. Bu zaman bir cinayətkar qrup kuklaların üzərinə ağ tüklər yapışdırıb satırlar. Maraqlıdır ki, belə bir qrup 2013-cü ildə Argentinada peyda olmuşdu.
“Simpsonlar”ın təəccübləndirməyi bunlarla bitmir. 1994-cü ildə yayımlanan bir bölümdə uzay araşdırmalarının daha çox maraq çəkməsi üçün NASA adi insanları kosmosa göndərir. Maraqlıdır ki, bu hadisə 2013-cü ildə gerçəkləşmiş və Oliver Nayt adlı bir insan kosmosa göndərilmişdi.
Digər diqqətçəkən məqam 1997-ci ildə yayımlanan “Homerin sirli yolçuluğu” bölümündə qeydə alınıb. Belə ki, bölümdə içkilərin üzərində bir sıra xüsusi xidmət orqanlarının adları görüntülənir ki, bunların arasında “NSA” (National Security Agency / Milli Təhlükəsizlik Agentliyi) daha çox diqqəti cəlb edir. Bundan sonra, 2013-cü ildə keçmiş agent Snoudenin MTA-ya məxsus bir çox gizli sənədlərin deşifrə olunması skandalı ortaya çıxmışdı.
Başqa bir maraqlı bölüm isə 2001-ci ildə yayımlanan on ikinci sezonun on dördüncü bölümüdür. Burada Simpsonlar ailəsi TV izləyir və TV-də dörd hərbi təyyarə göstərilir. Təyyarələrdən atılan bombaların düşdüyü ərazidə olan avtomobillərin birinin üzərində Suriya bayrağı təsvir olunur. Bundan 13 il sonra isə Suriyada məlum vətəndaş müharibəsi başlayır.
1990-cı ildə yayımlanan bir bölümdə üçgözlü balıq təsvir olunur ki, sonralar Argentinada bir nüvə reaktorunun yaxınlığında üçgözlü balıq meydana çıxır.
“Simpsonlar”ın ən çox müzakirə olunan, konspirasiya nəzəriyyəçilərinin ən çox toxunduğu bölümü 2007-ci ildə yayımlanan bölümüdür. Belə ki, filmdə Simpsonlar ailəsi Nyu-Yorka getmək üçün çox ucuz avtobus bileti əldə edirlər.Broşuranın üzərində isə əkiz qüllələr və biletin qiyməti – 9 $ təsvir olunur. Lakin təsvir elə verilir ki, açıq-aşkar 9.11 kimi oxunur. Bunu da çoxları 11 sentyabr hadisələrinə (11.09.2001 / 9.11) işarə kimi qəbul edirlər.
1998-ci ildə onunci sezonun bölümlərinin birində belə bir səhnə var: “20th Century Fox, A Division of Walt Disney Co.”, yəni “20th Century Fox”, Uolt Disneyin bir bölməsidir. Təəccüblü olan odur ki, təxminən 20 il sonra, doğrudan da, Uolt Disney o şirkəti satın alır.
Başqa bir maraqlı bölüm 2011-ci ildə yayımlanıb. Belə ki, Liza və dostları TV-dən İqtisadiyyat üzrə Nobel mükafatçısının elan olunması mərasimini izləyir və mükafat Benqt Holmstroma verilir. 2016-cı ildə Holmstrom həqiqətən də, bu mükafatı alır.
Ən maraqlı bölümlərdən biri də Donald Trampın ABŞ prezidenti seçilməsi ilə bağlı olan bölümlərdir. Belə ki, 2000-ci ildə yayımlanan böülmdə Homer pilləkəndən sürüşüb Trampın başına düşür və onun saçları arasında itir. O, burada bir çox plakatlarla, o cümlədən, seçim illərini (məsələn, 2016-cı il) göstərən plakatlarla qarşılaşır. Bundan başqa, digər bölümlərdə Trampın prezident seçilməsi, hətta ondan sonra bir qadının bu kürsüdə oturacağı ön görülür.
Bu cizgi filminin hər şeyi öncədən görməsi fikrini ciddiyyətlə qəbul etmirik. Bütün bunlar bir təsadüf də ola bilər, məqsədli şəkildə quraşdırma da.
Hətta onu da qeyd edək ki, bəzi “öncəgörmələr” öz təsdiqini tapmayıb. Məsələn, 2002-ci ildə yayımlandığı iddia olunan bu bölümdəki kimi…
Daha sonra bu il Rusiyada keçirilən futbol üzrə Dünya çempionatında dair də “Simpsons”ların bir “öncəgörməsi” özünü doğrultmadı. Belə ki, filmə görə, çempionatın finalında Portuqaliya və Meksika yığmaları qarşılaşmalı, lakin hesab heç-heçə bitərək, dava-dalaş ucbatından yarımçıq kəsilməli idi. Lakin hamıya məlum olduğu kimi, mundialın finalında Fransa və Xorvatiya yığmaları qarşılaşdılar və fransızlar kuboku başları üzərinə qaldırmağı bacardılar.
Yekun olaraq, bir şeyi deyə bilərik: bu cizgi filmi adi bir cizgi filmidir, ya bir şeyləri əvvəlcədən subliminal şəkildə çatdıran bir mesaj, fərqi yoxdur, maraqlı olması sayəsində on illərdir milyonlarla tamaşaçısının zövqünü oxşamaqdadır.
İstinadlar:
