1944-cü ildə, əvvəllər Berqhofda Hitlerin şəxsi mühafizəsində xidmət etmiş bir alman əsir bildirdi ki, Hitler hər səhər saat 10:00-da iqamətgahın yaxınlığındakı meşəlik ərazidə iyirmi dəqiqə təkbaşına səhər gəzintisinə çıxır. Bu zaman onu mühafizəçilər də müşayiət etmir. Bundan başqa, o, iqamətgaha daxil olarkən, onun şərəfinə qaldırılan ştandart qonşu şəhərdən də aydın görünür.
Qeyd edək ki, Berqhof (almanca adının mənası “dağ sarayı” deməkdir) Bavariya Alplarında, Berxtesqadendə yerləşir və 1928-1945-ci illərdə Adolf Hitlerin iqamətgahı olub. İqamətgah 1916-cı ildə inşa edilib. 1936-cı ildə restavrasiyasına qədər “Vahenfeld Evi” (Haus Wachenfeld) adlandırılıb və Vinterin dul xanımına məxsus olub. 1933-cü ildə Vinterin fabrikinin planlaşdırılmış yanğınından sonra Hitler tərəfindən 40 min qızıl markaya satın alınıb. Berqhof SS birlikləri tərəfindən (təxminən 2 min nəfər) mühafizə olunurdu. 16 yanvar 1945-ci ildə Hitler buranı tərk edərək bunkerə yerləşib və burada özünə qəsd edib. 25 aprel 1945-ci ildə isə Berqhof müttəfiqlərin aviasiya bombardmanı nəticəsində tamamilə dağıdılıb.
Plana gəlincə, bu, Böyük Britaniyanın Xüsusi Əməliyyatlar İdarəsi tərəfindən tərtib olunmuşdu və bunun üçün iki nəfər – ingilis və polyak snayper paraşütlə sarayın yaxınlığına eniş etdikdən sonra iqamətgaha sıza bilmişdi. Onlar təmiz almanca danışa bilirdilər və alman formasında idilər. Həmçinin Vermaxtda standart silah hesab olunan “Mauser 98k” (Karabiner 98k) ilə silahlanmışdılar. Tarixçilərin fikrincə, terakt üçün ən ideal tarix 13-14 iyul 1944-cü il idi.
Lakin gözlənilmədən XƏİ (Xüsusi Əməliyyatlar İdarəsi) tərəfindən əməliyyata xitam verildi. Göstərilən səbəb o idi ki, onsuz da Hitler narkotik aludəçisi idi və onun hakimiyyətdə olması müttəfiqlərin daha tez qələbə çalmasına gətirib çıxardacaqdı, nəinki, yeni bir insanın hakimiyyətə gəlməsi. Ola bilsin, onun yerinə keçəcək şəxs daha güclü olardı və Hitlerin ölümü ordunun motivasiya edilməsində açar rolunu oynayardı. Həm də 14 iyulda Hitler Berqhofu tərk etmişdi.
Дамаскин «100 великих операций спецслужб»
