Dünyaca məşhur uruqvaylı futbolçu, hal-hazırda Fransanın PSJ (Paris Saint Germain) klubunun hücumçusu olan Edinson Kavani (Edinson Cavani)nin qardaşı Valter Quqlielmon Qomez (Walter Guglielmone Gómez) vaxtilə Azərbaycanda top qovub. Belə ki, o, 2007-ci ildə Azərbaycan Premiyer Liqasında çıxış edən “İnter Bakı” futbol klubuna transfer olunub. Burada iki sezon keçirən Quqlielmon hətta bombardir olmağı belə bacarır. Azərbaycanda keçirdiyi üçüncü sezonunda isə “Neftçi” klubuna gedir. 2010-cu ildə isə Paraqvayın Guarani klubuna keçir. Daha sonra isə Braziliyanın “Pelotas” və Çinin “BİT” klublarında top qovub. Hətta Quqlielmon iki dəfə milli forma geymək şansı da qazanıb.