Dünyanın ən bahalı avtomobili ünvanı dayanmadan dəyişməkdədir. 2021-ci ilin əvvəllərində 0 km olaraq satışa çıxarılan avtomobillər barədə tərtib edilmiş siyahının lap başında Bugatti La Voiture Noire vardısa, indi bu siyahıya 28 milyon dollar qiymət ilə Rolls-Royce’un Boat Tail başçılıq edir.
Dünyanın ən bahalı avtomobili dedikdə, 0 km ilə satılanlar və ya açıq hərracda satılanlar kimi amilləri fərqləndirmək lazımdır. Çünkü o avtomobilin ilk sahibinin olub-olmaması və ya kolleksionerlər arasında əl dəyişdirməsi kimi durumlar qiymət dəyişkənliyinə səbəb ola bilər. Açıq hərrac sonucu dünyanın ən bahalı avtomobili ünvanı hələ də 48.4 milyon dollar qiymətlə 1963 Ferrari 250 GTO-ya məxsusdur.
Buna görə də, biz bu gün 0 km olaraq ən yüksək satış qiyməti olan avtomobilləri sizlərə təqdim edəcəyik.
Mercedes-Maybach Exelero (8 milyon dollar)
Hər nə qədər 2005-ci ildə sadəcə 1 ədəd istehsal edilmiş olsa da, Mercedes-Maybach Exelero, hələ də dünyanın ən bahalı 0 km avtomobilləri arasında yer alır. 8 milyon dollara satılan bu möhtəşəm avtomobil, “Mercedes-Benz”in iki turbo V12 motoru ilə hərəkət edir.Təxminən 690 at gücünə sahib olan avtomobilin maksimal sürəti 350 km/s-dır. “Mercedes-Maybach Exelero”nun istehsal səbəbi isə olduqca maraqlıdır. “Fulda” təkər markasının ağır avtomobillərə yönəlik yüksək performanslı təkərlərin test edilməsi üçün istehsal edilən “Mercedes-Maybach Exelero”, bu testlərin gerçəkləşdirilməsinin ardından kolleksiyonerlərin radarına daxil oldu. Bu avtomobil bu gün əl dəyişdirərsə, təxminən 11-12 milyon dollara satıla biləcəyi deyilir.
Bugatti Centodieci (9 milyon dollar)
2019-cu ilin avqustunda təqdim edilən Bugatti Centodieci, markanın 110-cu ad günü üçün sadəcə 10 ədəd istehsal edilib. Bu səbəbdən avtomobilin adındakı “Cento” italyanca “100”, “Dieci” isə “10” deməkdir. 9 milyon dollar satış qiyməti ilə bu avtomobil, əslində markanın 90-cı illərdə yenidən dirilişindəki EB110 modelinə də göndərmə edir. Bugatti EB110-a verilən ad isə markanın qurucusu Ettore Bugattinin 110-cu doğum gününə həsr olunmuşdu.
Dizaynına görə Bugatti EB110 ilə oxşarlığı olsa da, performans baxımından Centodieci ilə onun arasında böyük fərqlər nəzərə çarpır. Centodieci’də W yerləşimli 16 silindrli, 1.600 at gücündə motor mövcuddur və avtomobilin 100 km/s sürət yığması üçün sadəcə 2.4 saniyə lazımdır. 300 km/s sürət üçün isə 13.1 saniyə vaxt tələb olunur. Maksimal sürət 380 km/s-dır.
Rolls-Royce Sweptail (12.8 milyon dollar)
2017-ci ildə Rolls-Royce özünün Sweptail adlı özəl avtomobilini 12.8 milyon dollarlıq satış qiyməti ilə təqdim etdi. Həmin il dünyanın ən bahalı 0 km avtomobili ünvanını qazanan Rolls-Royce Sweptailin hər detalı gözəl olsa da, ən əsrarəngiz dizayn arxa hissənin dizaynıdır. Yarış maşınlarını xatırladan arxa hissədə sonsuza qədər uzanacaqmış kimi görünüş verən tavan xətti diqqət çəkir. Tavanın orta bölümü isə tamamən şüşədən ibarətdir. İnteryerdə taxta, alüminium və dəri döşəmələr göz oxşayır.
Sadəcə 1 ədəd istehsal edilən Rolls-Royce Sweptail’də markanın özəlliyi iki nəfərlik olması, arxa hissənin isə möhtəşəm taxta işləmələrlə işlənməsidir. Ön qoltuqların ortasında soyuducu və qədəh üçün yer var.
Pagani Zonda HP Barchetta (17.5 milyon dollar)
Dünyanın ən bahalı avtomobilləri arasında daha bir gözəl nümunə var – “Pagani Zonda” “HP Barchetta”. Argentina doğumlu avtomobil dahisi Horacio Paganinin, Ferrari ve Lamborghini kimi markalara rəqib olaraq meydana çıxardığı,17.5 milyon dollar qiymətlə sadəcə 3 ədəd istehsal olunduğu söylənilən “Pagani Zonda HP Barchetta”nın biri markanın sahibinə məxsusdur.
Bugatti La Voiture Noire (18.9 Milyon Dolar)
Dünyanın ən bahalı 0 km avtomobili ünvanı 2021-ci ilin iyununa qədər 18.9 milyon dollar qiymətlə “Bugatti La Voiture Noire”də idi. Keçən 2 ildə avtomobilin sahibinin kim olduğu hələ də gizli saxlanılmaqdadır. İlk əvvəllər, Bugatti’nin də sahibi olan Volkswagen Qrupu’nun əfsanəvi CEO’su Ferdinand Piech’in bu avtomobili aldığına dair dedi-qodular çıxmışdı.Ancaq sonradan onun sahibinin Kriştianu Ronaldu olduğu xəbəri yayıldı. Lakin hələ də bunlar sadəcə söyləntilərdən başqa bir şey deyil.
Rolls-Royce Boat Tail (28 milyon dollar)
Və nəhayət, dünyanın ən bahalı avtomobili bir daha Rolls-Royce-dur. 2021-ci ilin may ayının son günlərində təqdim edilən Rolls-Royce Boat Tail, 28 milyon dollar qiymətlə yeni bir rekorda imza atdı. 4 illik istehsal prosesi sonucunda hələlik sadəcə 1 ədəd istehsal edilən Rolls-Royce Boat Tail-in ümumilikdə cəmi 3 ədəd istehsal ediləcəyi deyilir. Avtomobilin dizaynı möhtəşəmdir və sadəcə izləmək lazımdır.