Təqvimimizdə çox nadir hallarda həftənin cümə günü ayın 13-nə düşür. Bu, lap qədimlərdən günümüzədək müxtəlif əfsanə və miflərə yol açımışdır. Guya bu ayın 13-ü həftənin cümə gününə dəng gələrsə, hansısa bədbəxtliklər və ya xoşagəlməz hadisələr baş verər. Bu, tibbdə fobiyanın bir növü kimi qeyd olunur və paraskavedekatriafobiya adlanır. Bu termini Donald Dossey təklif edib. Termin yunanca “cümə günü” və “13” sözlərinin birləşməsindən əmələ gəlib. Bu fobiya triskaydekafobiyanın (13 rəqəmindən qorxmaq) bir hissəsi hesab edilir.
Tamplierlər haqqında əfsanə
Tamplierlər ordeninin sonuncu böyük ustadı məhz, cümə günü, ayın 13-də (13 oktyabr 1307-ci il) həbs edilmiş və 7 il sonra Site adasında Normandiya komandoru Jofrua de Şarne ilə birlikdə yandırılmışdı. Edam öncəsi Jak de Mole kral və digərilərini lənətləmişdi.Belə deyilir ki, kral IV Filipp bu günü də təsadüfən seçməyib.
Bundan başqa, Adəm və Həvvanın cənnətdən qovulduğu tarixin də anoloji tarixə dəng gəldiyi deyilir.
Bu mövzuda yayğın inanca sahib olan fransızlar yeməyə 14-cü gələn müsafirlər üçün Quartorziennes kəlməsindən istifadə edirlər. Fransada heç bir ev 13 nömrə ilə nömrələnmir. Maraqlıdır, bir çox otellərdə 13 rəqəmli otağı digər rəqəmlə nömrələyirlər. Müxtəlif aviakompaniyalarda 13 nömrəli bort olmur. Amerikada çox vaxt göydələnləri tikərkən on ikinci mərtəbədən sonra on dördüncü mərtəbə tikilir, paroxodlarda isə heç vaxt on üçüncü kayut olmur. “Formula-1” yarışmasında bir ədəd də olsun “13” nömrəli avtomobil yoxdur. Avropanın bir çox yerlərində 13 nömrəli küçə yoxdur. Numerologiyaya görə, 12 rəqəmi bütünlüyü bildirir: ildə 12 ayın olması, 12 bürc, 12 saat sistemi, yəhudilərin 12 qəbiləsi, İsanın 12 həvarisi, 12 Olimp allahı və s. Burada 13 rəqəmi isə bu düzəni pozan rəqəm kimi qəbul edilir.
Cümənin uğursuzluğu məsələsinə gəlincə isə, həftənin bu günü adını Skandinaviya mifologiyasında eşq, sevgi və çoxalmaq tanrıçası olan Frigganın adından götürüb. Skandinaviya və alman tayfaları xristianlığı qəbul etdikdən sonra guya bu tanrıça dağın başına qovulur və orada pislik, cadugərlik tanrıçasına çevrilir. Guya hər həftənin cümə günü tanrıça, başqa 11 cadugər və şeytanla (cəmi 13) bir yerə toplaşaraq, gələn həftənin taleyini müzakirə edirlər.
