Futbolda hər transfer mövsümü hərəkətli keçir, amma bu yay deyəsən daha da qorxunc rəqəmlərlə qarşılaşacağıq. Xüsusilə, Dünya Kubokundan sonra böyük bir transfer etməsi gözlənilən 8 oyunçu.
Neymar`ın 222 milyon avroluq transferinin üzərindən bir il belə keçməyib. Ancaq qısa müddət öncə ödənilən bu rekord məbləğ normal hala çevrilib artıq… Belə ki, PSG braziliyalı ulduzla vidalaşmaq istəyərsə, ən az 100 milyon xeyirlə onu Real Madridə sata bilər.
Günü-gündən çılğınlaşan transfer bazarı bu yay da olduqca hərəkətli keçəcək sanki. Elə isə bəzi təxminlər edək və yeni mövsümdə yüksək bonservis göstəriciləri ilə transfer edə biləcək oyunçuları sıralayaq.
Jorginho
-
Ehtimal olunan bonservis dəyəri: 70 milyon Avro
-
Maraqlanan komandalar: Manchester City, Manchester United
Seriya A`da keçən mövsüm Napoli bir daha çempionluğa yaxınlaşdı. Əslində Juventusa meydan oxumaqdan başqa əsas Sarri`nin oynatdığı futbolla dünya futbolunun ən çox izlənilən komandalarından birinə çevrildilər. O ləziz futbolun baş aktyorlarından biri Jorginho…
Braziliya əsilli İtalyan futbolçu italyanların “regista” dediyi müdafiə qarşısında oyun qura bilən modelin ən yaxşılarından biridir. Napoli daha çox öndə oynadığı oyundakı tempiylə və ələ keçirdiyi topları sürətlə kilit pasa çevirməsiylə böyük fərq yaratdı. Yeni mövsümdə, böyük ehtimalla, Manchester United ya da Manchester City’yə transfer olacaq. Oyunun xarakteri baxımından Pep Guardiola’nın 4-1-4-1’i içərisində çox daha faydalı olacağı dəqiqdir. Yuxarıdakı videoya baxaraq kilit pas ustalığının nə demək olduğunu görə bilərsən.
Sergej Milinković-Savić (Lazio)
-
Ehtimal olunan bonservis dəyəri: 120 milyon Avro
-
Maraqlanan komandalar: Manchester United, Liverpool, Real Madrid
Mövsümün ən böyük çıxışlarından birinə imza atan bir başqa ad da Milinkovic-Savic. Serbiyalı istedad, Lazio forması altında ümumi orta sahənin nə demək olduğunu göstərərək komandasında bəzən hesab yükünü üzərinə götürür, bəzən də xarici görünüşüylə, oyun zəkası ilə sahəni doldurdu.
Orta sahə oyunçusu olmasına baxmayaraq Serie A`da 11 qol, 6 assist kimi statistikaya imza atan Sergej böyük ehtimalla Manchester United’ə gedəcək və bəlkə də Paul Pogba`nın yerinə düşünüləcək. Hətta Pogba`nın Real Madrid`ə Cristiano Ronaldo ilə dəyişmə təklif olunaraq təqdim olunması gözlənilir. Bu mövsüm yaratdığı möcüzələri yuxarıdakı videodan izləyə bilərsən.
Harry Kane (Tottenham)
-
Ehtimal olunan bonservis dəyəri: 300 milyon Avro
-
Maraqlanan komandalar: Real Madrid
Transfer bombalarına uzun müddət səssiz qalan Real Madrid, bu yay geri qayıdacaq və yeni bir nəsil Los Galactikosu quracaq kimi görünür. Əlbəttə bunun üçün başlıca olaraq mərkəz hücumçuya (santrfor) bir ad verməlidirlər. Bu da Harry Kane`den başqası ola bilməz.
Premyer Liqada qərarlı şəkildə etdikləriylə halhazırda günümüzün ən yaxşı qol ustalarından biri olaraq tanınan Kane, əslində sadəcə klasik bir qolçu deyil; eyni zamanda ətrafını da oynadan çox yönlü və hərtərəfli bir futbolçudur. Bax, buna görə də tam Real Madridlik! Tottenham’ın onu 300 milyon avro kimi bir qiymətdən aşağı verməyəcəyi düşünülür. Yuxarıda atdığı qollara baxarsaq, onsuzda aşağıya enməməli…
David De Gea (Manchester United)
-
Ehtimal olunan bonservis dəyəri: Gareth Bale + bir miqdar pul
-
Maraqlanan komandalar: Real Madrid
Əslində Real Madrid Uzun müddətdir De Gea`nı istəyir. Navas hər nə qədər yaxşı mövsümlər keçirsə də Madrid hər zaman oyunçuluqla birlikdə imic olaraqda ulduz arxasıyca düşdüyünə görə, bir gün mütləq De Gea`nı oyunçuları arasına alacaq kimi görünür. Bu il, o il ola bilər.
İspanyalı qapıçı doğurdan da çıxmayacaq topları çıxaracaq səviyyəyə gəldi. Hər maçda dodaq uçuqladan qurtarışlarını görürük, hətta yuxarıdakı video da hansı səviyyəyə gəldiyini bizə aydın göstərir.
Eden Hazard (Chelsea)
-
Ehtimal olunan bonservis dəyəri: 170 milyon Avro
-
Maraqlanan komandalar: Real Madrid, Manchester United
Uzun müddətdir Real Madrid gündəmində yerini qoruyan Hazardın etdiyi açıqlamalara baxarsaq bu il doğrudan ayrılacaq kimi görünür. Londonda mənsubiyyət duyğusunu getdikcə itirən 28 yaşlı oyunçuyla Manchester United də maraqlansa da transferə daha yaxın Real Madrid görünür.
Əslində, gələcəkdə bir başqa sol hücumçu (forvard) İnsigneni inanılmaz bir səviyyəyə çıxaran Sarri ilə işləmək ehtimalı olsa da, Hazard üçün əgər Real Madrid transferi həyata keçəcəkəsə yaşına görə tam da bu il olmalıdır transfer. Bax, buna görə Belçika`nın yolu La Liqaya düşəcək kimi görünür. Artıq o içə qət etməklərini (yuxarıdakı video) Real Madrid formasıyla görərik.
Dayot Upamecano (RB Leipzig)
-
Ehtimal olunan bonservis dəyəri: 100 milyon Avro
-
Maraqlanan komandalar: Barcelona
Redbull komandalarının məsullarından biri olan Dayot Upamecano, 98 təvəllüdlü bir oyunçu olmasına baxmayaraq keçən mövsüm komandasında birbaşa oynadı. Həm atletik, həm topu mükəmməl istifadə edə bilən, həm də güclü görünüşə sahib olan oyunçu bu aralar gələcəyin ən dəyərli stoperləri arasında görünür. 20 yaşındakı oyunçuya Barcelona gözünü dikib artıq.
RB Leipzig də Barcelona kimi, müdafiə xəttini orta sahəyə gətirdiyi üçün, Upemecano, Katalan nəhəngi üçün ideal bir seçim kimi görünür. Yuxarıdakı video oyunçunun niyə potensiallı olduğuna dair bir fikir verir.
Leonardo Bonucci (Milan)
-
Ehtimal olunan bonservis dəyəri: 80 milyon Avro
-
Maraqlanan komandalar: Chelsea, Real Madrid
Keçən mövsüm böyük bir şou yaradaraq Juventusdan Milan`a keçən Bonucci klubunun yaşadığı maddi sıxıntılara görə yenidən böyük bir transferə imza ata bilər. Hədəfləri böyüdərək çox ciddi pullar xərcləyən Milan finansal fair-play radarına düşmüşdü. Vəziyyət belə olduğu halda ulduz stoper tez bir zamanda pula çevrilməli ola bilər.
Böyük ehtimal Chelsea ilə masaya oturacaq olan Sarrinin, topla çıxış edə bilən stoperlər üçün ürəyi gedir. Bu sahədə Bonuccinin əlinə su tökəbilən stoper çox azdır. Yuxarıdakı videoda görünən pasları atacaq orta sahə belə çətin tapılar.
Mohamed Salah (Liverpool)
-
Ehtimal olunan bonservis dəyəri: 300 milyon Avro
-
Maraqlanan komandalar: Real Madrid
Romadan sadəcə (sadəcə deyirik, çünki davamında edilən transfer bazarında dəyər dəyməzə getmiş sayıldı) 40 milyon Avro müqabilində transfer olduğu Liverpoolda möhtəşəm oyunlar oynadı. Kloppun templi və ön ağırlıqlı oyununa birbaşa uyğunlaşan və əsasən o cəld hücumları bitirən isim olan Salah, karyerasının ən möhtəşəm mövsümünü yaşadı. Dünya Kubokunu da əldən verməzsə dəyərinə dəyər qatacağı qaçınılmazdır.
Real Madridin ənənəvi “dünyada parıldayan bir oyunçu varsa onu biz alarıq” refleksiylə Salah, İspaniya nəhənginin gündəminə artıq oturub. 300 milyon Avroların danışıldığı şəraitdə Liverpoolun onu buraxmaq istəməyəcəyi dəqiqdir. Son nöqtəni Salah qoyacaq kimi görünür. Yuxarıdakı videoyla bu mövsüm atdığı qolları izləyək və özümüzə gələk…
