“Bloomberg”-in mütəxəssisləri dünyanın 25 ən varlı ailəsinin siyahısını tərtib etmişlər ki, bu ailələrin varidatlarının ümumi dəyəri 1.1 trilyon dollardan çoxdur. Bu siyahı var-dövləti bir əldə cəmləşən şəxsləri deyil, varidatları nəsildən-nəslə ötürülən və inkişaf etdirilən ailələri özündə əks etdirir. Onu da qeyd edək ki, bu siyahıda Asiyadan yalnız üç ailə yer alıb.
1. Uolton (Walton) ailəsi
Siyahıya liderliyi Uolton ailəsi edir. Ailəyə Walmart supermarketlər şəbəkəsi (12 min supermarket) məxsusdur. Ailənin başçısı Sam (Samuel) Uolton 1945-ci ildə ilk mağazasını açıb. Hazırda ailənin varidatı 151.5 milyard dollardır.
2. Kox (Koch) ailəsi
Bloomberg-in tərtib etdiyi siyahıda ikinci yeri Koch İndustries korporasiyasının sahibi Kox ailəsi tutur. Ailənin başçısı Fred Kox 1940-cı ildə şirkətin əsasını qoyub. Onun şirkəti dörd oğlu tərəfindən idarə olunurdu. Sonradan, 1983-cü ildə oğulları Frederik və Uilyam öz paylarını digər qardaşları Çarlz və Devidə satdılar. Hazırda şirkət bu iki qardaş tərəfindən idarə olunur. Ailənin varidatı 98.7 milyard dollardır.
3. Mars ailəsi
XX əsrin əvvəllərində Frenk Mars öz şirkətini yaratdı. Mars İnc. şirkəti o tarixdən bəri şirniyyat və şokolad sahəsində dünya lideridir. Ailənin varidatı 89.7 milyard dollardır.
Bunlardan başqa, ilk beşliyə üç Belçika sülaləsi daxildir (van Damm, de Mevius və de Şpelberx ailələri). Bu ailələr pivə kompaniyası olan Anheuser-Busch InBev-ə (54.1 milyard dollar) nəzarət edirlər. Dyum ailəsinə isə moda evi Hermes məxsusdur. (49.2 milyard dollar) Hermes-in hazırkı rəhbəri Aksel Dyum-dur. O, şirkətin yaradıcısı Tierri Erme-nin beşinci nəsil xələfidir.
Ən varlı ailələr siyahısına Asiyadan (Hindistan) Ambani ailəsi düşüb ki, onlar Reliance Industries-ə nəzarət edirlər. Varidatları 43.4 milyard dollardır. Bloomberg-in rəyinə görə, bu ailə dünyanın ən varlı yeddinci ailəsidir.
İlk 25-liyə həmçinin Auchan şirkətinin sahibləri Albrext ailəsi (37.5 milyard dollar), Samsung şirkətinin yaradıcısı Li Byon Çxol-un varisləri (30.9 milyard dollar), Este Lauder-in varisləri (24.3 milyard dollar) və s. düşüblər.
Mənbə: RBC.ru
