Azərbaycanlılar: ABŞ-a gələn ilk azərbaycanlı Mirzə Əli Əkbər adlı şəxs olmuşdur. 7 iyun 1912-ci ildə Böyük Britaniyanın Liverpul dəniz limanından «Mauretania» gəmisi ilə Ellis adasına yola düşüb. Miliyyətcə dağ yəhudisi olsa da, qeydiyyatdan azərbaycanlı kimi keçmişdi. 1920-ci ildən sonrakı mənbələrdə onun barəsində məlumat yoxdur. Tək bilinən, ömrünün sonuna kimi orada qalmasıdır.
Gürcülər: Məlum olan ilk səfər gürcü atlılarının kazaklara qoşulub (1890) Amerikada at şoularında iştirak etmələridir. XX əsrin 20-ci illərində Amerikada 50 dən çox varlı gürcü yaşamışdı. Bunların bir çoxu oraya Rusiyadan getmişdi.
Ermənilər: Rəsmi mənbələrdə ABŞ ərazisinə gəlmiş ilk erməninin, İrandan gəlmə Martin adlı tütün taciri olduğu bildirilir. Martin 1618-ci ildə Virciniya ştatının ərazisində yerləşən Ceymstaun koloniyasına getmişdi. Ermənilərin həmçinin Vətəndaş müharibəsində iştirak etmələrinə dair məlumatlar var. 1898-ci ildə ABŞ-da ilk qəzetlərini çıxarmışdılar.
