La Qrand Arş de la Defans
Fransa, Paris
Tərəflərinin ölçüləri 110 metr olan hiperkub formasında tikilmiş Böyük tağ müasir işgüzar Parisin aynası hesab olunur. O, tarixi Luvr – Həmrəylik meydanı – Zəfər tağı oxunun davamıdır. Humanizm və qardaşlıq idealını canlandıran abidə 1989-cu ildə Fransa inqilabının 200 illik yubileyi münasibəti ilə açılmışdır.
Porta Nuova
Palermo, İtaliya
“Yeni qapı” Siciliya krallarının qərargahının yaxınlığındadır və Köhnə şəhərə keçid rolunu oynayır. Abidə XVI-XVII əsrlərdə ispan kralı V Karlın şərəfinə inşa edilib. (O, 1535-ci ildə Tunis müharibəsində qələbə çalması münasibətilə Siciliyanın paytaxtında qonaq olmuşdu). Tağ pəncərələrlə, sütunlarla, boyalarla bəzədilib. Karnizləri saxlayan atlantlar mavrlar üzərində əldə olunan qələbəni simvolizə edir.
Kaus ən-Nəsr
Bağdad, İraq
İki eyni Qələbə tağı, Kadisiya qılınclarının rəmzidir. İraq-İran müharibəsindən sonra, 1989-cu ildə Böyük Bayramlar zamanı meydana gətirilir. Eyni zamanda, tağ 636-cı ildə ərəblərin farslar üzərində qalibiyyətini də simvolizə edir. Qılıncı tutan böyük əl Səddam Hüseynin əlini bildirir. Qılıncların 22 tonluq dəmirləri İraq-İran müharibəsindən sonra qalan alətlərin metallarından düzəldilib.
Monumento a la Revolusion
Mexiko, Meksika
Qanunvericilik sarayının ilk daşı 1910-cu ildə Meksika diktatoru Porfirio Dias tərəfindən ölkə müstəqilliyinin 100 illiyi şərəfinə qoyulmuşdur. Bu il Meksika inqilabı baş verdi və nəticədə diktator devrildi. Nəticədə abidə yalnız 2010-cu ildə, inqilabın rəmzi və qəhrəmanların mavzoleyi kimi açıldı.
Qeytuey Arç
Sent-Luis (Missuri), ABŞ
ABŞ-ın qərb ekspansiyasının rəmzidir. Bu, ABŞ-da, eləcə də, dünyada ən böyük arkadır. Hündürlüyü 192 metrdir. Tağda lift də fəaliyyət göstərir.
Patusay
Vyentyan, Laos
Qələbə qapısı XX əsrin ortalarında Laosun Fransadan müstəqilliyi uğrunda mübarizəyə həsr olunub. Beş qüllə xalqların mövcudluğunun 5 prinsipini, dörd keçid – dünyanın 4 cəhətini, 4 hovuz isə çiçək açmış lotosu simvolizə edir.
Kesonmun
Pxenyan, KXDR
Abidə 1925-1945-ci illərdə Yapon işğalçılarına qarşı aparılan Koreya müqavimət hərəkatının rəmzidir. 1982-ci ildə, Kim İr Senin 70 illiyi zamanı açılmışdır. 25500 ədəd ağ qranit blokları rəhbərin həyatının günlərinin sayını bildirir.
Arç 22
Banjul, Qambiya
Qambiyanın ən hündür tikililərindən biridir (35 metr). 22 iyun 1994-cü ildə demokratik hökuməti devirən Yaya Camme (sonradan 2017-ci ilədək ölkə prezidenti oldu) və onun Müvəqqəti hərbi şurasının şərəfinə ucaldılmışdır. Abidə 3 mərtəbədən ibarətdir və 100 dalasi banknotunun üzərində də təsviri var.
