“2022-ci ildə Azərbaycandan Nobel Mükafatına namizədliyi irəli sürülən üç həmvətənimizin namizədliyi 2023-cü ildə də irəli sürüləcəkdir. ” Bunları Nobel İnformasiya Mərkəzinin vitse-prezidenti , tarix elmləri doktoru Bəybala Ələsgərov deyib.
Bəs kimdir onlar?
Onlardan biri, Bütün Qafqazın şeyxi, Qafqaz müsəlmanlarının XII Şeyxülislamı və Qafqaz Müsəlmanları İdarəsinin sədri Hacı Allahşükür Paşazadədir.
Stokholmda Şeyx həzrətlərinin Rusiya-Çeçenistan savaşında sülhün əldə olunmasında xidmətləri ön plana çıxarılacaqdır. Bundan başqa, onun Aşura günündə qanvermə aksiyasının təşkili və islam dünyasında vəhdət namazının ideya müəllifi olması da mühüm xidmətlər kimi nəzərə alınacaqdır.
Tibb sahəsi üzrə professor Yaşar İbadovun “Nobel”ə namizədliyinin də irəli sürülməsi nəzərdə tutulur.
Nobel Akademiyası professorun psixologiya elmi sahəsində xidmətlərini nəzərdən keçirəcək. Y.İbadov 8 ölkənin akademikidir və dünya tibb elminə nəzəri-praktiki yeniliklər gətirib.
2023-cü ildə adıgedən mükafata namizədliyi irəli sürüləcək üçüncü azərbaycanlı akademik Adil Qəribovdur.
Akademik A.Qəribovun “Nüvə kimyası”ndakı xidmətlərinə görə bu ali mükafata namizədliyi irəli sürüləcəkdir.
Qeyd edək ki, hər üç şəxs 2022-ci ildə də “Nobel Mükafatı”na namizəd kimi göstərilib, lakin təəssüflər olsun ki, bu mükafata layiq görülməyiblər.
Hələlik Nobel Mükafatına layiq görülən yeganə azərbaycanlı, fizika-riyaziyyat elmləri namizədi Bəxtiyar Siracovdur.
O, 2005-ci ildə MAQATE-də çalışan digər bütün əməkdaşlarla birlikdə bu mükafata layiq görülüb.
© Hörümçək
