İkinci Dünya Müharibəsi zamanı Hitlerin kəşfiyyat şəbəkəsinə casusluq edən balerina Norveçi almanlardan geri almaq istəyən ingilis və fransızların müharibə planını əldə edib və nasistlərin məğlubiyyətə uğradılmasının qarşısını alıb.
Bu informasiya Mİ5-in (Britaniya xüsusi xidməti) üzərindən məxfilik statusu götürdüyü sənədlərdə üzə çıxıb.
Mİ5-in açıqladığı sənədlərə görə, Marina Li (Marina Lee) adlı casus müttəfiq ölkələrin xüsusi qüvvələrin qərargahına yol tapıb və Norveçlə bağlı hərbi planları əldə edərək Hitler Almaniyasına ötürüb.
Nasistlər 1940-cı ilin aprelində ildırım sürətli hücumla müttəfiq ölkələri gözlənilməz duruma salaraq Norveçə nəzarəti ələ keçirib. Marina Li adlı casusun hərbi planı ələ keçirməsi bir alman casusunun verdiyi ifadədə ortaya çıxıb.
Bundan dərhal sonra Mİ5 Marina Li adlı qadını araşdırmağa və axtarmağa başlayıb, casus haqqında xüsusi dosye açılıb.
Rusiyanın Sankt-Peterburq şəhərində doğulan və balerina olan Marina Linin dosyesində casus açıq sarı saçlı, bir neçə dil bilən, cazibədar, ecazkar gözəlliyə sahib qadın kimi xarakterizə edilib, “gözəl ayaqlarının olduğu” xüsusi vurğulanıb.
Gerçək adı Marina Alekseyevna olan bu rus qadın sonralar norveçli ilə ailə quraraq Osloya köçüb. Mİ5 casusu illərlə axtarsa da, balerinanı heç vaxt tapa bilməyib.
Mənbə: Teleqraf.com
