Cari mövsüm “Liverpul”da möhtəşəm oyun sərgiləyən Mohammed Salah bir vaxtlar “Çelsi”nin şərəfini qorusa da, orda “qırmızılar”ın heyətindəki kimi parlaq oyunu ilə seçilməmişdi. Misirli hücumçunun 2014-cü ildə londonlulara transferinin maraqlı bir hekayəsi var. Həmin dövrdə “Çelsi”nin çalışdırıcısı olan Joze Mourinyodan gələn zəngi görməyən Salahın portuqaliyalı mütəxəssisə geri zəng etməyə konturu olmur. Futbolçu məcburiyyətdən Mourinyoya “WhatsApp”da yazıb konturunun olmadığını bildirir və ona yenidən zəng etməsini xahiş edir. Çalışdırıcının növbəti zəngindən sonra tərəflər razılığa gəlir və Salah 11 milyon funta “Çelsi”yə transfer edilir.
Maraqlıdır ki, bir vaxtlar zəng etməyə kontur tapmayan Mohammed Salah indi özü insanların balansının artırılmasına yardımçı olacaq. Belə ki, Vodafone şirkəti hücumçunun vətəni Misirdə Salahın vurduğu hər qola görə abonentlərinə 11 dəqiqə bonus hədiyyə edəcək.