Hellouin
ABŞ
Hər il oktyabrın sonu Amerikada birmərtəbəli və çoxmərtəbəli binalar balqabaqlarla bəzədilir. İnsanlar müxtəlif obrazlar (ifritə, zombi, mumiya və skeletlər) şəklində bəzənərək küçələrə çıxırlar.
Ölülər günü
Meksika
Noyabr ayının 1-də və 2-də meksikalılar evləri, məktəbləri, dövlət idarələrini və əlbəttə ki, məzarları sabahgülü (ölülərin rəngi) ilə bəzəyirlər. Bayramın əsas obrazı Katrin (Ölüm Xanımı) – paltar geyinmiş skeletdir.
Qafa tası günü
Boliviya
And dağları sakinlərində belə bir adət var: onlar üç il əvəl ölmüş ailə üzvlərinin sümükləri ilə bir gün keçirirdilər. İndi isə yalnız qafa tası ilə qeyd olunur. 8 noyabr günü La-Pas sakinləri qafa tası sümüklərini qəbirdən çıxarır, güllərlə bəzəyir, siqaret və koki yarpağı ilə “təchiz edirlər”. Kilsə bu adəti qadağan etmək istəsə də, insanlar öz adətlərindən əl çəkmək istəmirlər.
Tsinmin
Çin
Bayram 2500 ildir, hər il yaz gecə-gündüz bərabərliyindən sonra, adətən aprel ayının 5-də qeyd olunur. İnsanlar qəbirləri ziyarət edir, oranı süpürüb təmziləyir, ora yemək, içki və çubuqlar qoyurlar. Həmçinin adətə görə, ritual pulları yandırırlar. Bu pullar bir az dollara bənzəyir və üzərində prezidentlərin şəkilləri olur.
İnək festivalı
Nepal
Nepallılar inəyi yeraltı dünyaya daşıyıcı kimi qəbul edirlər. Belə bir adət var ki, bir il ərzində əzizlərini itirmiş hər bir ailə inəkləri ilə Katmandu küçələrini gəzirlər. Əgər hansısa ailənin inəyi yoxdursa, onu müvafiq geyim geymiş oğlan uşağı əvəz edə bilər.
Ruh həftəsi
Avstriya
Oktyabr ayının 30-dan noyabr ayının 8-dək avstriyalılar Seelenwoche bayramını qeyd edirlər: stolun üzərinə ölülər üçün çörək və su qoyulur, yatmazdan əvvəl ruhları salamlamaq üçün lampa yandırılır.1 noyabr gecəsi qəbirlərin üstünə çələng və fənər qoyurlar. Bayramın son günü isə kilsədə təntənəli mərasim qeyd olunur.
Finados
Braziliya
Bayram 2 noyabrda qeyd olunur. Braziliyalılar qəbirləri ziyarət edir, şam yandırır və çoxlu gül qoyurlar. Qəbirlər sanki çiçək ləkinə çevrilir.