Bəzi futbolçular var ki, meydanda oyunçu yox, həm də məşqçilik edir. Matçın gedişində bəzən komanda yoldaşlarına göstəriş verir, həm də öz oyununu oynayır. Belə futbolçulardan biri də 1968-78-ci illər aralığında “Mançester Yunayted”in şərəfini qorumuş Aleks Stepnidir. Ampluaca qapıçı olan Stepni oyunboyu komanda yoldaşlarına qışqırıb onlara göstəriş verməsi ilə də yaddaşlarda qalıb. Amma 10 il “qırmızı şeytanlar”ın şərəfini qoruyan əlcək sahibini isə daha da məşhur edən sərgilədiyi oyun yox, zədəsi olub. Belə ki, 1975/76 mövsümündə “Birmingem”lə matçda qapıçının çənəsi çıxıb. Amma buna səbəb heç də onun hansısa futbolçu ilə toqquşması deyildi. Oyunboyu komanda yoldaşlarına qışqırıb göstəriş verən Stepninin çənəsi də məhz, bu səbəbdən çıxıb. Bəli, məhz qışqırdığına görə… Oyun isə “Birmingem”in qələbəsi ilə yekunlaşmışdı – 2:0.