Qəribə evliliklər
Yaşam

Qəribə evliliklər

31 yaşlı Kayl Cons və 91 yaşlı Marconi Makkul

Cütlük 2009-c ildən görüşür. Onları görən nənə və nəvə olduğunu zənn edir. Kaylın dediyinə görə, həmyaşıdları ilə münasibət qurmaq onu maraqlandırmır. Bəziləri isə onu hiyləgərlikdə ittiham edir. Bir çoxları isə onların saf sevgisinə inanır.

Vern Troyer və Cenis Qallen

Hər kəsin “Harri Poter” filmindən tanıdığı aktyor Vern Troyer Playboy modeli Cenis Qallen ilə 2004-cü ildə evlənir. Onların münasibətlərindəki qəribəlik boylarındadır. Belə ki, aktyor 82 santimetr, model isə 188 sm. boya malikdir.

Hindistandan olan Manqli Munda küçə iti ilə ailə qurub

Hindistandan olan 18 yaşlı Manqli Munda Şer adlı sahibsiz itlə ailə qurub. Kənd cammatı onların nikah bağlamasını istəyib. Kənd ağsaqqalları hesab edib ki, belə olan halda qız kəndin üzləşəcəyi qara qüvvələrdən uzaq olacaq.

28 yaşlı çinli gəlinciklə ailə qurub

Həkimlər gəncdə xərçəng xəstəliyi aşkarladıqları üçün o, nikaha razı olur. Belə ki, o ölümündən sonra hansısa qızın əzab çəkməsini istəmir. Buna görə də seks-gəlinciklə ailə qurmağa razılıq verir. Hətta o, “həyat yoldaşı” üçün gəlinlik də alır.

Dünyanın ən tüklü kişisi və xanımı

Çindən olan 32 yaşlı Yuy Cünxuanın bədəninin 96%-i qalın tüklə örtülüb. Lakin bu, ona həyatının sevgisini tapmağa mane olmayıb.

Qreys Qedler 6 illik tənhalıqdan sonra özü ilə evlənib

Britaniyalı Qreys Qedler özü ilə ailə qurub. O, 50 nəfərlik toy məclisi də təşkil edib. 6 il heç bir kişi ilə münasibəti olmayan Qreys, sonda ona heç kəsin lazım olmadığı qərarına gəlib.

Barbarella Bühner pişiyilə evlənib

İngiltərədən olan Barbarella Bühner iki pişiyilə evlilik mərasimi təşkil edib. 48 yaşlı gəlin bal ayını Kanar adalarında keçirib.

Cinslərini dəyişmiş dünyanın ilk cütlüyü

İlk baxışdan Arin Endors və Keti Hill adi cütlüklərdən heç nə ilə fərqlənmir. Belə ki, onlar dünyada cinsi mənsubiyyətini dəyişmiş ilk cütlükdür.

Dünyanın ən kök qadını və sevgilisi

ABŞ-dan olan 38 yaşlı Çariti Pirs 358 kiloqram çəkiyə malikdir. Onun sevgilisi 22 yaşlı gənc isə normal çəkilidir. Lakin nə artıq kiloları, nə də yaş fərqi onların sevgisinə mane olmayıb. Cütlük yaxın zamanlarda evlənmək də istəyir.

ABŞ-da ən gənc cütlük

9 yaşlı Cayka Kuper leykemiyadan əziyyət çəkir. O, 7 yaşlı Xose ilə tibb mərkəzində tanış olub. Cayka toy arzusunda idi, buna görə də Xose ona evlilik təklifi edir. Lakin qızcığaz 2009-cu ildə vəfat edir.

Körpü ilə evlənən qadın 

Avstralyalı bir qadın Fransanın güneyindəki Pont du Diable körpüsü ilə evlənib. “İndependent” qəzetinin məlumatına görə, Jodi Rose adlı qadın Herault bölgəsindəki 600 il tarixi olan körpü ilə evləndiyini elan edib. Qadının fikrincə, bu körpü bir ərin bir qadına verə biləcəyi hər şeyə sahibdir. Toy mərasimində bələdiyyə sədri də daxil olmaqla 10 nəfər iştirak edib. Rose körpünün güclü, vəfalı, duyğusal xüsusiyyətlərə malik olduğunu bildirərək, bundan sonra daha 600 il yaşayacağını vurğulayıb. Qadın körpü ilə olan evliliyini tarixi və simvolik adlandırıb.

Xalça ilə evlənən qız
Hər zaman xalça üzərində addımlamayacağını vəd edən gənc qadın “ona göz-qulaq olmaq üçün həddindən artıq çox zaman sərf edirəm”, – deyə bildirib. Bekki Koks qeyd edib ki, evləndiyi xalçasından ayrı bir həyat düşünmür və onu həyatda hər şeydən çox istəyir.

Xalçaya həddindən artıq bağlı olan qadın deyib ki, onunla yatıb, onunla durur. “Ərimdən boşanandan sonra bu xalça mənim sirr yoldaşım olub. Bütün sevincimi, kədərimi xalçamla bölüşürəm və onunla çox xoşbəxtəm. Bu il yeni ilimi də ilk dəfə onunla qarşılayacağam”.

Eyfel qülləsinə ərə getmiş qadın

ABŞ-ın San-Fransisko şəhərində yaşayan 37 yaşlı Erika La Tour Eyfel Parisdəki Eyfel qülləsində elə bu qüllə ilə nikah kəsdirib.

İlana ərə gedən qadın

Hindistanın Orissa Xurda bölgəsində yaşayan 30 yaşlı qadın Atala kəndində erkək ilana ərə gedib. 2 min qonağın qatıldığı toyda “təzə bəy” kobra olmadığından ilanı bürünc heykəlcik əvəzləyib. Gəlin Bimbelanın dediyinə görə, kobra onu çox sevir.

Divarla evlənmiş qadın

54 yaşlı isveçli Eyya-Riita Berliner-Mauer uşaqlıq illərindən Berlin divarını sevdiyini deyir.  Onun evinin yanında Berlin divarının bir hissəsi var və soyadının tərcüməsi də “Berlin divarı”dır. Eyya-Riita divarın bir hissəsi ilə nikahını rəsmiləşdirib.

“Nintendo” personajı ilə evlənmiş yapon

“Sal9000” niki ilə tanınan yapon Quam adasında “Nintendo DS” oyununun personajlarından biri olan Nene Aneqasakini özünə “arvad” edib.

Özü ilə evlənən kişi

Çinin Çjuhay şəhərində yaşayan 39 yaşlı Lyu Ye 100 qonaq çağırdığı toyda özü ilə evlənib. “Gəlin” isə Yenin qırmızı paltardakı fotosu idi.

Attraksiona ərə gedən qadın

ABŞ-ın Nyu-York ştatında yaşayan 32 yaşlı amerikalı Emi Volf Pensilvaniyadakı “1001 Nacht” attraksionunu çox sevir və elə bu attraksiona da ərə gedib.

Ölü sevgilisinə ərə gedən qız

Maqali Yaskeviç və Conatan Corc 2008-ci ilin noyabrında ailə qurmağı planlaşdırırdılar. Lakin toya 2 gün qalmış Conatan motosikletdə qəzaya düşərək həlak oldu. Fransa vətəndaşı Maqali də ölmüş sevgilisinə ərə gedib.

Yastıqla evlənən kişi

Koreyada yaşayan 28 yaşlı Otaku sevimli yastığı ilə ailə qurub.

Musiqi mərkəzinə ərə gedən qadın

43 yaşlı Emma musiqi mərkəzini çox sevir və gündə iki dəfə “nikahdan həzz aldığını” deyir.

© Libre.az