Qəfəsdən siyasətə – Şeyris Devids
SportİSM

Qəfəsdən siyasətə – Şeyris Devids

1 noyabr 2013-cü il… Şeyris Devids (Sharice Davids) professional MMA karyerasında ilk döyüşünə çıxır…Qəfəsə öz idman formasında daxil olur…və rəqibini süzür… Döyüş təbilinin çalınması ilə rəqibinin üzərinə şığıyan Şeyris sol əl zərbəsi ilə onu yerə sərir, daha sonra üstünə çıxaraq ard-arda güclü zərbələr endirir…Bu döyüş iki dəqiqədən az sürdü və qazanan tərəf Şeyris Devids oldu…

37 yaşlı idmançı, eyni zamanda, Kanzas üçüncü bölgədən Respublikaçı Kevin Yoder’ə qarşı mübarizə aparan Demokratların nümayəndəsidir. Kampaniyaya başladığından bəri Amerika siyasi hərəkat komitəsi olan “Emily’nin Siyahısı”ndan böyük dəstək gördü. (“Emily’nin Siyahısı” Demokrat qadın namizədlərə yardım edən bir hərəkatdır). Onlar Devidsə 400 min dollarlıq bir yardım etmişlər. Əgər Devids bu günlərdə Demokratların iç seçimlərindən qalib kimi ayrılarsa, 6 noyabr tarixində keçiriləcək seçimlərdə Yoder’in rəqibi olacaq. Viskonsinli bir yerli amerikan qəbiləsi olan Ho-Çunk Ulusunun da üzvü olan Devidsin əlinə, ABŞ parlamentində qoltuğa sahib ilk amerikan yerlisi qadın olmaq kimi tarixi şans keçib həm də…

Şeyris Devids uşaqlıq vaxtlarından döyüş sənətinə heyranlıq duyurdu. Brus Linin xəyalları ilə böyüdü. Lakin ailəsinin maddi durumunun ağır olması, onu idman kurslarına yazılmasını əngəlləyirdi.

O, idmana kapoeyra və karate ilə başladı. Daha sonra professional MMA-çılarla çalışmış bir müəllimdən taekvondo dərsləri aldı.

2006-cı ildə ilk həvəskar döyüşünü Beynəlxalq Döyüş İdmanı Federasiyasının Orta Şərq Döyüş Festivalında gerçəkləşdirdi və cəmi bir dəqiqə ərzində döyüşü qazanan tərəf oldu. Döyüş karyerası böyük ümidlər vəd edirdi, lakin əsas fikrini Kornell hüquq fakültəsində təhsilinə ayırdı.

Buna baxmayaraq, tezliklə profesional döyüşə qatılacaqdı Şeyris. Qatıldığı yarışda (UFC, The Ultimate Fighter) ilk döyüşünü qazansa, da ikinci döyüşünü uduzur. Bununla da, MMA ilə yollarını ayıran Şeyris, Kanzasa döndükdən sonra ölkəni başdan-ayağa gəzməyi qərara alır. Müxtəlif rezervasiyalarda yerlilərlə birlikdə yaşayır, toplumlar üzərinə çalışmalar həyata keçirir…Daha sonra parlamentə seçimlərə qatılmağa qərar verir…

Şeyris barədə bir maraqlı bir statistika da odur ki, o, seçimlərə qatılan dörd yerli amerikandan biridir. “Bu seçimlərə qatılmaq, burada olan çoxlu qadın namizədlərdən biri olmaq və bu seçim uğrunda mübarizə aparmaq məni qürurlandırır…”- Şeyris müsahibəsinə yekun vurur…

 

Socratesdergi.com