London Eye Wedding Capsule (Böyük Britaniya, London)
Avropanın ən böyük çarxı olan “London Gözü”, insanlara həmçinin nikah mərasimlərinin keçirilməsi üçün məkan xidməti də təklif edir. Kabinet-kapsulda 20 nəfər insanın toplaşması və nikah mərasimin aparıcısının olması nəzərə alınıb. Burada nikah keçirməyin qiyməti 2890 funt-sterlinqdir.
Ceremony Hall at Icehotel (İsveç, Yukkasyarvi)
Bu nikah məkanı dekabr ayından istifadəyə verilir və aprelədək burada mərasimlər keçirmək mümkün olur. Bura 50 qonaq üçün nəzərdə tutulub və restoranı, pavilyonu, kinoteatrı var. Bəy və gəlin üçün isti geyim də verilir. 2009-cu ildən eynicinslilərin nikahları da burda qeydə alınır.
«Каzаn» ailə mərkəzi (Rusiya, Kazan)
Nikah sarayı nəhəng tökmə qazan şəklində inşa edilib. İşıqlandırma yanan odu imitasiya edir. Memarlıq abidəsinin ətrafında müxtəlif cinsli zilantlar (tatar mifologiyasında əjdaha oxşayan varlıq) və bəbirlər təsvir edilib. Bina “O və o” adlanır.
«Delfin» (Gürcüstan, Batumi)
Batumi bulvarında yerləşən bu tikili ilk baxışdan kimisinə gözü, kimisinə damcını, kimisinə donuzu, kimisinə isə ilbizi xatırladır. İstənilən vaxt, əvvəlcədən ərizə təqdim etməklə burada nikah bağlamaq mümkündür.
High-Heel Wedding Church (Çin, Tayvan)
Dikdaban qadın ayaqqabısını xatırladan bu kilsə, 1950-ci illərdə adada qanqrenadan həyatlarını itirmiş insanların xatirəsinə inşa edilsə də, əsasən, “Zoluşka”nın tuflisinə oxşayır. Kilsədə heç bir dini mərasim icra olunmur.
Bagt Köşgi (Türkmənistan, Aşqabad)
Bu nəhəng tikili səkkizgüşəli ulduz formasındadır. Kürənin diametri 32 metrdir. Üzərində Türkmənistanın xəritəsi təsvir edilib.
A Little White Wedding Chapel (ABŞ, Las-Veqas)
Bu ağ balaca nikah kilsəsində bir çox məşhurlar (Frenk Sinatra, Britni Spirs, Bryus Uillis, Demi Mur) nikah mərasimləri keçiriblər. Bu bina həmçinin bir sıra məşhur tele-şoularda (“Fövqəltəbii”, “Dostlar”) nümayiş etdirilib. Qiymətlər 50 dollardan başlayır. Kilsədən başqa, tuneldə, çəhrayı “Kadillak”da da nikah bağlamaq mümkündür.
Вокруг Света