Helikopter heroqlifləri? Abidos oymalarının “sirri”nin...
İsmayıl Süleymanov

Helikopter heroqlifləri? Abidos oymalarının “sirri”nin “ifşa”sı

Qədim Abidos şəhərində, məşhur I Seti məbədinin içərisində, tavanda qəribə heroqliflər aşkar edilib. Bəziləri müasir və ya yerdənkənar nəqliyyat vasitələrinin təsviri kimi görünən Abidos oymalarının 3000 il əvvəl Misirə səfər edən qədim astronavtların sübutu olduğunu iddia edirlər.

Nil çayının qərb sahilindəki Əl-Balyana yaxınlığında yerləşən müqəddəs Abidos şəhəri təxminən 8 kv.km genişlikdə ərazini əhatə edən ən mühüm arxeoloji ərazilərindən biridir. Əvvəlcə bu, 1-ci və 2-ci sülalələr dövründə Misir kralları üçün nekropol idi – baxmayaraq ki, bəzi qalıqlar daha əvvəl aşkar edilmişdir – və sonra Osirisə ibadət etmək üçün ziyarət yeri oldu. Eramızdan əvvəl 1290-1279-cu illərdə hökmranlıq edən 19-cu sülalədən olan qədim Misir kralı və I Ramzesin oğlu I Setinin gözəl bəzədilmiş məbədi Abidosda tikilmiş ən möhtəşəm məbədlərdən biri idi.

I Seti məbədi I Seti  və oğlu II Ramses 76 ölü sələfinin, ilki Menes olan sələflərin kartuşlarına təqdim etdikləri görülə bilən “Abidos Kral Siyahısı”nı ehtiva edən uzun bir qalereyadır. I Seti meyitxanasının arxasında ziyarətçilər Osireion kimi tanınan meqalitik quruluşa da baxa bilərlər. 1900-cü illərin əvvəllərində kəşf edilən strukturun mənası və istifadəsi naməlum olaraq qalır. I Seti məbədi həm Finikiya, həm də Aramey üslubunda heyranedici bir sıra qraffiti ilə yanaşı, Abidos oymaları kimi tanınan şeylərlə də diqqəti cəlb etmişdir.

Həmçinin “vertolyot heroqlifləri” adlandırılan Abidos oymaları bəzi elmi dairələrdə “sirli” və ya “Yerdənkənar” artefaktlar kimi şərh edilmişdir. Bu fikirlərin tərəfdarları inanırlar ki, orada helikopter, ya sualtı qayıq, iki təyyarə və ya onları gözləyən UFO kimi görünən qeyri-dünya texnologiyası təsvir edilir. Bu baxımdan, qədim astronavt nəzəriyyəçiləri tərəfindən dəstəklənən bu heroqliflər keçmişdə yerdən kənar təmasların sübutu kimi qəbul edilir. Bu UFOoloqların bəziləri piramidalar və stouneyclər də daxil olmaqla məşhur abidələrin tikintisindəə yadplanetlilərin iştirakı olduğunu iddia edirlər. Bəziləri internetdə yayılan şəkillərin saxta olduğunu iddia etsə də, əslində onlar realdır, lakin misirşünaslar Abidos oymaları üçün daha rasional izahat verməyə çalışıblar.

Qədim Misirdə illər keçdikcə heroqliflərin yenidən həkk edilməsi və üzünün dəyişdirilməsi adi hal idi. Eyni səthdə bir neçə dəfə yazılan bu proses palimpsest adlanır və yeni bir fironun öz sələflərinin heroqlifləri üzərində yazması adi bir təcrübə idi. Məlumdur ki, belə bir proses onun oğlu II Ramzesin dövründə Abidosdakı I Seti məbədində baş vermişdir. Hipnoqogial adlı bir blogger də qeyd etmişdir ki, I Seti adının üzərində sonradan II Ramzes heroqliflərinin yazılması, zamanla aşınmalar nəticəsində fərqli şəklə düşmüş və vizual olaraq, başqa görüntülər ortaya çıxmışdır. Görüntü olaraq, helikopter, UFO və s. müasir texnoloji vasitələrin meydana çıxması bununla əlaqədardır. 

Bununla belə, palimpsest nəzəriyyəsi üzərində hələ də bəzi fikir ayrılıqları var. Əgər yuxarıdakı təsvirlər həqiqətən əvvəllər oyulmuş heroqliflərdən “qalan”dırsa, simvollar təsadüfi və unikal görünməlidir. Bir neçə mənbə ərəb qəzeti “Al Sharq Al-Awsat”a istinad edərək, Karnakdakı Amon Ra məbədinin şəkillərini dərc edərək oradakı oymaların Abidosda tapılanlara çox bənzədiyini bildirir. Əgər Karnak rəsmləri realdırsa, bu zaman palimpsest nəzəriyyəsi darmadağın olur. 

Lakin suallar hələ də çoxdur. Doğrudanmı, astronavt nəzəriyyəçilərinin dediyi kimi, yadplanetlilərin Misir sivilizasiyası ilə hər hansı bir əlaqəsi olub? Yoxsa misirlilər gələcəkdən gələn varlıqlarla tanış olublar? Və ya bəlkə də o vaxt elə texnoloji inkişaf olub ki, misirlilər bu imkanlardan istifadə edə bilib…

Tərcümə etdi: İsmayıl Süleymanov