Elektromaqnit dalğalarının insanlar üzərində təsirləri...
Yaşam

Elektromaqnit dalğalarının insanlar üzərində təsirləri

İnsan əliylə yaradılan süni elektromaqnit dalğalarının, DNA və RNA sintezlərinin, protein oluşumunun pozulmasına, beyin şişlərinə, Alzheimer, Parkinson, MS kimi nevroloji xəstəliklərə səbəb olduğu açıqlandı. Türkiyəli mütəxəsis Dos.Dr. Nərgiz Hüseynoğlu cib telefonları, televizorlar, radio, kabelli və ya kabelsiz əlaqə vasitələri, elektrik, elektronik əşyalar, mikrodalğalı firinlər, saç qurutma və çörək qızartma makinalarına diqqət çəkdi.

İki cür (təbii və insan əli ilə yaradılmış) elektromaqnit dalğalarının olduğunu bildirən Hüseynoğlu, texnologiyanın inkişafı ilə ortaya çıxan süni elektromaqnit dalğalarının insandakı təbii elektromaqnit sahəsini pozaraq, müxtəlif xəstəliklərin yaranmasına səbəb olduğunu qeyd edir. Təbii elektromaqnit dalğalarını insanın toxumalarının, orqanlarının, əzələlərinin, qanının ortaya çıxardığı frekans və ya titrəşimlər olaraq tanımlayan Hüseynoğlu, insan əli ilə də bir çox süni elektromaqnit sahələrinin yaradıla biləcəyini bildirir.

Elektrik stansiyaları, yüksək gərginlikli elektrik xətlərinin yaxınlığında yaşayan insanlarda depressiya, baş ağrısı, baş dönməsi, diqqət pozğunluğu kimi halların çox olduğuna diqqət çəkən Hüseynoğlu, bunun üçün bir sıra tövsiyyələr edir. İnsanlar cib telefonlarını mümkün qədər özlərindən uzaq tutmalıdırlarİstifadə etmədikləri müddətdə telefon ən azı 50 sm və ya 1 metr məsafədə qalmalıdır. Bundan başqa, telefonun ürəyin üzərində və ya döş cibində gəzdirilməsi məsləhət deyil. Dinamik və ya naqilli qulaqcıq taxmamağınız daha uyğundur.Gecə yatarkən telefon və ya buna bənzər cihazların yataq otağınızda olmaması gərəkdir. Əgər yataq otağınızda olması vacibdirsə, ən azı bir metr uzaqlıqda olması və kabelsiz internetin söndürülməsi zəruridir.