Dünyanın yeddi ən təhlükəli rayonu
Ordan-burdan, Tədqiq və Tətöbbə

Dünyanın yeddi ən təhlükəli rayonu

Katiya kommunası 

Karakas, Venesuela

Dayanmayan sosial-iqtisadi böhran Venesuelanı, o cümlədən paytaxt Karakas şəhərini ən kriminal, nəzarətdən çıxmış bir yerə döndərmişdir. Bu şəhərdə ən təhlükəli yer isə şəhərin qərb hissəsində yerləşən Katiya kommunasıdır. 2017-ci ildə hətta yerli hökumət panal adlı pul vahidi buraxmışdır ki, heç olmasa, rayon sakinləri qidalanmaq üçün düyü ala bilsin. 

Fortaleza favelləri

Seara ştatı, Braziliya

Seara ştatının paytaxtı olan Fortaleza şəhəri xüsusilə bura gələn qonaqlar, turistlər üçün arzu edilən yer deyil. Yerli camaat xüsusilə gecə saatlarında İrasema çimərliyi sahillərində gəzintini məsləhət görməz. Çünki burada hər bir turisti təqib edən onlarla yeniyetmə və gənc oğrular, cibəgirənlər vardır.

 

Renasimiento rayonu

Akapulko, Meksika

Bu rayon adətən narkoticarətlə məşğul olan qrupların döyüş meydanı kimi xarakterizə olunur. Hətta bu qarşıdurmalara nə polis, nə də ki, ordu müdaxilə edə bilir. Maraqlıdır ki, Renasimiento adının hərfi mənası ispancadan tərcümədə “Yaradılış” deməkdir.

Kor-Siti ətrafı

Detroyt, Miçiqan ştatı, ABŞ

Detroyt şəhəri əhalinin sayına görə Nyu-York, Los-Anceles və Çikaqodan sonra dördüncü böyük şəhərdir. Bir vaxtlar sənaye mərkəzlərindən biri kimi tanınan Detroyt bu gün heç də yaxşı günlərini yaşamır. Evlərin, ofislərin çoxu boşdur ki, bu da kriminal qrupların fəaliyyəti üçün geniş meydan açır. 

Keyptaunun mərkəzi rayonları

Cənubi Afrika Respublikası

Yerli polisin məlumatına görə, 2016-2017-ci illərdə bu ərazidə kriminogen vəziyyət bir xeyli pisləşmişdir. Burada xeyli cibə girənlər, yolkəsənlər meydana çıxmışdır.

Baqa-toyruu küçəsi

Ulan-Bator, Monqolustan

Yaşlı adamlar məsləhət görür ki, şəhərin bu küçəsində xüsusilə axşam saatlarında gəzmək olmaz. Yerli gənclər qonaqların üzərinə hücum çəkir ,onlara fiziki təsir edirlər, hətta xəsarət yetirirlər. 

Skampiya məhəlləsi 

Neapol, İtaliya

Skampiya Neapolun ən pis məhəlləsi, Komorranın mərkəzidir. Bura açıq şəkildə narkotik ticarətin tüğyan etdiyi yerdir. Deyilənə görə, hər bir klan bu ərazidə gün ərzində 500 min avrodan az gəlir əldə etmir. Yerli camaat deyir ki, “əgər sən Skampiyadasansa və yarım dəqiqə sonra başına silah dirəyib, “ya pul kisəsi, ya həyatın!” sualını vermirlərsə, xoşbəxt adamsan.”

Mənbə: Vokrugsveta.ru

İsmayıl Süleymanov

[ngg_images source=”galleries” container_ids=”2″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]