Badam – Prunus dulcis gülçiçəyikimilər fəsiləsinin gavalı cinsinə aid bitki növüdür.
Müxtəlifliyinə görə iki yerə ayrılır:
- Şirin badam – Prunus dulcis var. dulcis;
- Acı badam – Prunus dulcis var. amara.
Şirin badam təzə halda yeyilir və geniş miqyasda qənnadı sənayesində istifadə edilir. Acı badamdan badam yağı və 0,5-0,8% miqdarında efir yağı alırlar. Bu məhsullar ətriyyat, əczaçılıq sənayesində kamfora, məlhəm, emulsiya istehsalı üçün istifadə olunur. Badam efir yağından bəzi ətriyyat məmulatlarının ətirləndirilməsi üçün istifadə edilir. Ondan, həmçinin aktivləşdirilmiş kömür də alırlar.
Badamın bir çox xeyri var:
1. Badamın tərkibində yüksək miqdarda A vitamini var ki, bu da gözlər üçün çox xeyirlidir.
2. Badam xərçəngə qarşı qoruyucudur.
3. Badam bəlğəm gətiricidir.
4. Badam zehni və fiziki yorğunluğun aradan qaldırılmasına təsir edir.
5. Badam sinir sistemini gücləndirir.
6. Badam sidik yollarındakı iltihabları təmizləyir.
7. Badam bağırsaq hərəkətlərini artırır.
8. Badam insanı uzun müddət tox tutur.
9. Ara yemək kimi gündə on beş ədəd badam yeyənlər çox daha tez arıqlayır və belləri daha tez incəlir.
Tərxan Paşazadə