Artıq Türkiyədə bir futbol komandamız var
SportİSM

Artıq Türkiyədə bir futbol komandamız var

Azərbaycanlılar Türkiyədə futbol klubu alıb – Darıca Gençlerbirliği.

Azərbaycanlı futbol funksionerləri Nail ZeynalovRəsul Şükürsoy Rusiyada yaşayan azərbaycanlı iş adamı olan dostlarının tam dəstəyi ilə Türkiyənin 2-ci liqa klubu olan Kocaelinin Darıca ilçəsinin “Darıca Gənclərbirliyi” klubunu 5 milyon lirəyə satın alıblar. Artıq “Darıca Gənclərbirliyi” azərbaycanlıların idarəçiliyindədir. Bu barədə məlumatı Nail Zeynalov öz “Facebook” profilində verib. O, bildirib ki, “Qurban bayramından sonra təhvil-təslim prosesi yekunlaşacaq və klubun strukturu formalaşdırılacaq.”

Qeyd edim ki, rəngləri sarı-yaşıl olan “Darıca Gənclərbirliyi” klubu 1934-cü ildə yaranıb. Klub ev oyunlarını Darıca İlçə stadionunda keçirir. Dənizə bitişik ərazidə 10 hektar səhəsi olan məşq bazası, məşq meydançaları, oteli, yüzlərlə gənc futbolçunun top qovduğu akademiyası var. Klubun azarkeş qrupunun adı “Çınaraltı” adlanır. Bu ad Darıcanın mərkəzindəki böyük çinar ağacından alınmışdır.

 

Tərxan Paşazadə