Təbiəti getdikcə daha yaxşı qavramağımızın sayəsində hər keçən gün daha yüksək texnoloji vasitələr yarada bilirik. Bunlardan biri də, heç şübhəsiz, robot ayaqlardır.
“Məni əlil arabasından xilas edən robot ayaqlarımdır.”
Bu sözlər, 9 il boyunca iflic olduqdan sonra, ilk dəfə öz ayaqları üzərində durmağı bacaran 27 yaşlı Sofi Morqana (Sophie Morgan) aiddir. O, beldən aşağı tamamilə iflic olmuşdu. Bunun səbəbi 9 il əvvəl keçirdiyi avtoqəzada onurğa sümüyünün əzilməsi idi və tam 9 il boyunca əlil arabasına möhtac qalmışdı. Buna baxmayaraq, o, heç zaman ümidini üzmədi, hətta ABŞ-da Kanal 4-də əlillər üçün idman yarışlarında aparıcılıq belə etdi.
Bu gün isə o, Rex adlanan və hələlik yalnız bir neçə adam tərəfindən istifadə edilə bilən müdhiş texnoloji yeniliyə – robot ayaqlara sahibdir. 90 min avro dəyərində olan robot ayaqlar, sadəcə əl barmaqları ilə idarə edilə bilən kontrol çubuğundan ibarətdir ki, bunun da vasitəsilə ayaqları istədiyiniz kimi hərəkət etdirmək mümkündür.
Hər nə qədər tibbin son nailiyyətlərindən danışsaq da, bu kimi ifliclərin yaxın gələcəkdə müalicəsi şübhəli görünür. Odur ki, bu robot ayaqlar iflicli xəstələr üçün əvəzolunmazdır.
Mənbə: DailyMail