Boris Consonun türk kimliyi
İsmayıl Süleymanov, Kateqoriyasız

Boris Consonun türk kimliyi

Paylaşmaq

Anadolu platosunda, paytaxt Ankaradan təxminən 110 kilometr şimalda yerləşən Kalfat kəndi Vestminsterin güc dəhlizlərindən çox uzaqda yerləşir. Lakin gözdən-könüldən uzaq olan bu kiçik kənd, dünyanın ən güclü dövlətlərindən biri olan Böyük Britaniyanın yeni baş naziri Boris Consonun ata yurdu olması iddiası ilə gündəmi silkələməkdədir.

Kalfat kəndinin sakini, 65 yaşlı Satılmış Karatekin yeni baş nazirin uzaq “əmisi oğlu” olduğunu söyləyir. Kənd sakinləri qeyd edir ki, son zamanlaradək kəndin camaatının saçları sapsarı olub. Lakin zamanla cavanların İstanbul və ölkənin digər bölgələrinə axın etməsi, yaşlıların da dünyadan köçməsi  ilə bu element tədricən yoxa çıxıb.

Onların antropoloji və fizioloji görkəmləri bu gün də kənd kənarında yerləşən qəbirstanlıqda olan məzar daşlarının üzərində aşkar şəkildə oxunmaqdadır. Belə ki, Boris Consonun babalarının uyuduğu məzarlıq “Sarıoğlangiller” adı ilə tanınır. Belə bir iddia var ki, Boris Consonun ulu nənəsi çərkəz kökənli olub və cənubi Rusiyadan Osmanlı torpaqlarına gəlib və ya cariyə kimi gətirilib. Kənd ağsaqqalı Bayram Tavukçu bu iddiaları rədd etsə də, kənd sakinlərinin bir vaxtlar niyə sarı saçlı olduqlarının səbəblərini aydınlaşdırmaqda çətinlik çəkdiyini deyir.

Boris Consunun dörd nəsil əvvəlki babası Ahmet Rza Efendi 1800-cü illərin sonlarında İstanbula köçmüş bacarıqlı tacir olub. Onun oğlu, Consonun böyük babası Ali Kamal isə Osmanlı paytaxtında – İstanbulda dünyaya göz açıb. O, son Osmanlı sultanının dövründə xarici işlər naziri vəzifəsini icra edirdi. Həmçinin Ali Kemal Avropada təhsil almış, daha sonra – 1903-cü ildə İsveçrə kökənli Vinifred Brun ilə ailə həyata qurmuşdu.Bu nikahdan Vilfrid Kemal dünyaya gəlmişdi, hansı ki, Boris Consonun babası idi. Az sonra Vinifred Brun vəfat edir. Ata Ali Kemal I Dünya Müharibəsi ərəfəsində oğlunu və qızını qayınanası Marqaret Consonun yanında qoyub Türkiyəyə dönür. Burada VI Mehmetin hökumətində yer alır. Lakin 1922-ci ildə azadlıq mübarizəsi zamanı ingilisləri dəstəkləməsindən dolayı, ittiham olunmaq üçün Ankaraya göndərilən zaman yolda bir qrup tərəfindən öldürülür.

Boris Consonun atası Stenli  isə 1940-cı ildə dünyaya gəlir və öz nənəsinin soyadını (Conson)  qəbul edir.

Tərcümə: İsmayıl Süleymanov