Londonda qadın cinsiyyət orqanının şərəfinə muzey açıldı...
Ordan-burdan

Londonda qadın cinsiyyət orqanının şərəfinə muzey açıldı

Paylaşmaq

Muzey rəhbərliyi qadınlarla bağlı tabuları qırmaq niyyətindədir

“The Mirror”a istinadən xəbər verir ki, Londonun Kamden-Market ərazisində vaginanın şərəfinə müvəqqəti muzey açılacaq. Muzeyin yaradıcısı Florensiya Şehter 2017-ci ildə İslandiyada fallos muzeyi açıldığını öyrənəndən sonra, qərara gəlib ki, dünyanın hansısa nöqtəsində qadın cinsiyyət orqanına həsr olunmuş bir muzey də açılmalıdır. O tabularının mütləq qırılmalı olduğunu və vaginalar, qadın sünnəti, zorakılıq, həmçinin elmdə, tarixdə və mədəniyyətdə vaginanın yeri barədə açıq danışılmalı olduğunu bildirib.

“Bu həqiqətən vacibdir, çünki bu, hələ də bədənin hədsiz damğalanmış hissəsidir”, – Şehter bildirib. O, deyib ki, bəzi qadınlar üçün analıq yolu xərçəngi ilə bağlı həkimlə məsləhətləşmək narahatlıq doğurur, bundan başqa, hələ də aybaşı haqqında danışılmır, Nepalda isə qadınlar üçün kritik günlərdə onlar evdən qovulurlar. “Biz xoşagəlməz hər şey barədə danışırıq, bu, bizim məqsədimizdir”, – Şehter deyib.

Hazırda Londonda daimi muzey üçün vəsait toplama kampaniyası gedir, tikinti üçün ümumən 130 min funt sterlinq toplamaq lazımdır. Artıq bu ilin aprelində muzey 40 min funt sterlinq ianə toplamağa müvəffəq olub.

Bilge.az