İlin ən yaxşı müəllimi bəlli oldu
Ordan-burdan

İlin ən yaxşı müəllimi bəlli oldu

Paylaşmaq

İri biznesmen Sanni Varkeyin 2015-ci ildə təsis etdiyi xeyriyyə cəmiyyəti, hər il dünyada “ilin ən yaxşı müəllimi”ni elan etmək üçün Global Teacher Prize adlı müsabiqə həyata keçirir. Bu xeyriyyə cəmiyyətinin himayədarı Dubay şeyxi Muhammad ibn Rəşid əl Məqtumdur.

Bu il bu ada layiq görülmək uğrunda dünyanın 179 ölkəsindən on mindən çox müraciət daxil olub. Bu ilki mükafatın həcmi 1 milyon dollardır.

Müsabiqənin final mərhələsinə Hindistan, Keniya, Avstraliya, ABŞ, Niderland, Braziliya, Argentina, Yaponiya, Böyük Britaniya və Gürcüstandan olan nümayəndələr vəsiqə qazanıb.

Qalib adını isə Keniyadan olan fizika-riyaziyyat müəllimi, fransiskan monaxı Piter Tabiçi qazanıb. Müsabiqənin mükafatlandırma mərasimi Dubay şəhərində təşkil olunub və qalibin adını aktyor Hyu Cekman elan edib.

Piterin dərs dediyi məktəbin şəraiti və maddi-texniki durumuna baxsaq, burada qələbəyə doğru addımın atılacağını demək, sadəcə gülüş doğurardı. Burada 58 şagirdə 1 müəllim və 1 kompüter düşür. Piter öz aylıq məvacibinin 80%-ni şagirdlərin geyimlərinə və məktəbin problemlərinə xərcləyir. Düzdür, o, yeddi il şəxsi məktəbdə dərs deyib, lakin sonradan fransiskan rahibi olduğuna görə, buradan çıxıb və yoxsul məktəbə dərs deməyə gəlib.

Amma artıq, güman ki, Piter öz qazancı ilə məktəbə və şagirdlərə güclü yardım göstərə biləcək.

Mükafatın həcmi 1 milyon dollar olsa da, bu pul qalibə birdəfəlik verilmir. Şərt belədir ki, bu məbləğ 10 il ərzində ildə 100 min dollar olmaqla verilir, bu şərtlə ki, ən azı beş il müddətində müəllimliyi davam etdirəsən və
The Varkey Foundation –ın dünya üzrə səfiri qismində təlimlərə və tədbirlərə qatılasan.