“Aclıq kralı”: Çarlz Hayder
Ordan-burdan

“Aclıq kralı”: Çarlz Hayder

Paylaşmaq

Çarlz Hayder (Charles Latif Hyder)  ABŞ-ın Nyu-Meksiko ştatında anadan olmuş astrofizik və dissident olub. Onun elmi araşdırmaları əsasən, Günəşin fizikası mövzusundadır. Bu mövzuda 50-dən çox elmi məqalələri var.

Lakin bu adam tarixə daha çox avantürist, eyni zamanda, axmaq addımı ilə düşməyi bacarıb. Belə ki, 23 sentyabr 1986-cı ildə Reyqan administrasiyasının kütləvi silahlanma siyasətinə və nüvə silahına etiraz olaraq, Ağ Evin yaxınlığında aclıq aksiyasına başlayıb. Onun bu addımı, ABŞ-la rəqabət aparan SSRİ-də böyük maraqla, hətta böyük dəstəklə qarşılanıb. “Yoldaş Hayder” bütün günü qəzetlərin manşetlərindən və «Время» xəbərlər proqramının gündəmindən düşmürmüş. İş o yerə çatıb ki, ölkə başçısı M.S.Qorbaçov ona dəstək məktubu belə yollayır və onun şərəfinə xatirə medalı təsis edir. Bu qəhrəmanın aclıq aksiyası düz 218 gün davam edir və növbəti ilin aprelində başa çatır. Amma bu zaman başqa məsələ ortaya çıxır. Sən demə, “Yoldaş Hayder”in aclıq aksiyası saxta imiş və o, bu müddətdə heç də ac qalmayıbmış. Onun cibində çörək qırıntılarının tapılması, hətta yanına yemək gətirənlərin məlum olması, Hayderin reputasiyasını əməlli-başlı zədələyir. Aclıq aksiyasına son verən kimi prezident olmaq iddiasına düşür və hətta imzatoplama aksiyasına start verir. Lakin olan, artıq olmuşdu. O, bu kampaniyada heç bir uğur qazana bilmir. Həmçinin, 1998-ci ildə çap etdirdiyi “Plutoniuma yoluxmuş bəşəriyyətin yaşaması” adlı kitabını alan belə olmur…

UNITED STATES – DECEMBER 01: Astrophysicist, Charles Hyder, bundled up against the cold as he sits next to his END WAR sign during his fast for nuclear disarmament across from the White House in Lafayette Square park. (Photo by Cynthia Johnson/Time & Li

Çarlz Hayder yenidən aclıq aksiyasına başlamağa cəhd edir. Bu dəfə isə səbəb, nüvə tullantılarının basıdırlmasına (Waste Isolation Pilot Plant) etiraz idi. O, 2004-cü ildə vəfat edir.

İsmayıl Süleymanov