Vermont Respublikası
Vermont Respublikası, indiki eyniadlı ştatın ərazisində, 1777-1791-ci illərdə mövcud olub.
Vermontda quldarlıq ləğv olunmuşdu, bu dövlətin öz konstitusiyası, öz valyutası vardı. Dövlətin əhalisi özlərini amerikan hesab edir və ABŞ-a birləşmək arzularını ifadə edirdilər. Nəhayət, 1791-ci ildə dövlət on dördüncü ştat olaraq, ABŞ-a birləşdi.
Maraqlı bir fakt da ondan ibarətdir ki, 2003-cü ildə Vermontun yenidən müstəqilliyi uğrunda dinc hərəkat da başlamışdı.
Neytral Moresnet ərazisi
Neytral Moresnet – Almaniya, Niderland və Belçika arasında mövcud olmuş, 3.5 kv.metr sahəsi olan dövlət olub. Bu dövləti xəritədə yalnız 1816-1920-ci illər aralığında görmək mümkün olub. Dövlətin neytral olması məsələsi Napaleon işğalları sonrasında mümkün olub.
Üç dövlətin sərhədlərinin kəsişməsi arasında qalan bu kiçik ərazi indi Belçikanın sərhədləri daxilindədir. Dövlət heç vaxt müstəqil olmasa da, onun öz bayrağı və gerbi olub.
İtaliya sosial respublikası – Salo
Ölkə öz adını bir şəhərin adından götürüb və 1943-cü ilin sentyabrından 1945-ci ilin aprelinədək mövcud olub. Ölkəyə faşist Benito Mussolini rəhbərlik edib.
Tibet
Bu gün Tibet Çin Xalq Respublikasının ərazisi hesab olunur. Lakin Tibet 1912-ci ildən 1951-ci ilədək müstəqil olub. Dövlət teokratik monarxiya idi və dalay-lama rəhbərlik edirdi.
1950-ci ildə Çin hökuməti Tibetə qoşun yeridir. Nəticədə, Tibet Çin hakimiyyətini tanımağa məcbur olur.
Birləşmiş Ərəb Respublikası
1958–1961-ci illərdə Misir və Suriyanın birləşməsi ilə yaranıb. 1961-ci ildə hakimiyyət dəyişikliyindən sonra Suriya bu dövlətin tərkibindən çıxır. 1971-ci ilədək isə Misir BƏR adı ilə mövcudluğunu sürdürür.
Sikkim
Sikkim – 1975-ci ilədək mövcud olmuş monarxiya olub. Hazırda Sikkim Hindistanın şimal-şərqində yerləşən statdır və Tibet, Butan və Nepal ilə sərhəddir. Maraqlı bir fakt ondan ibarətdir ki, Çin yalnız 2003-cü ildə Sikkimi müstəqil dövlət kimi tanımaqdan imtina edib.
Almaniya Demokratik Respublikası
ADR II Dünya Müharibəsindən sonra SSRİ-nin işğal bölgəsində yaranmış dövlət idi. Bu dövlətə Brandenburq, Saksoniya, Türingiya, Saksoniya-Anhalt və Meklenburq – Ön Pomeraniya daxil idi.