Azərbaycanlılar “Facebook”da – İNFOQRAFİKA...
Ordan-burdan

Azərbaycanlılar “Facebook”da – İNFOQRAFİKA

Paylaşmaq

Bu sosial şəbəkə var ki, çox qəliz məsələdir, həm qəlizdir, həm də ki vacib. Gündəlik yaşamımızı onlarsız təsəvvür etmək mümkün deyil. Həyatımızın hər bir sahəsinə özünü yansıdan sosial medianın arealı hər ötən gün genişlənir. Eyni zamanda biznes artıq böyük ölçüdə bu platforma üzərindən idarə edilir. Bu günümüzdə sosial şəbəkələr bir satış platformasına da çevrilib. Biznesin fəaliyyət növündən asılı olaraq sosial medianın şirkətə qazandırdığı gəlirlər ümumi gəlirin çox böyük bir hissəsini təşkil edə bilər.

Haqqında danışdığımız sosial şəbəkələr  içərisində ən ” dəcəli”  isə heç şübhəsiz, “Facebook”dur. Adını çəkdiyimiz bu şəbəkə axır vaxtlar  heç dinc durmur. Özünü balaca şıltaq uşaq kimi aparan şirkətdə baş verən bütün hadisələr bir başa “Facebook”un CEO-su Mark Zuckerberg  ilə bağlıdır. Son dövrlərdə olan ən böyük qalmaqal şirkətin istifadəçi məlumatlarını 50-dən çox şirkətə satması ilə bağlı idi. Bu söz-söhbət unudulmamış gündəm yenə qarışıb, sosial şəbəkənin başı daha bir qalmaqal ilə ağrıyıb. Belə ki, “Faceook” sosial şəbəkəsində paylaşılan videoların baxış sayı süni şəkildə çox görünür. Bu isə ən çox “Facebook” sosial  şəbəkəsində reklam verən şirkətləri və reklam agentliklərinin narazılığına səbəb olub.

Datanın böyük söz sahibi olduğu dövrdə saxta və yanlış datalar bir biznesi batırmaq gücünə qadirdir. Əldə edilən datalar sayəsində marketoloqlar müştəri davranışlarını və onların istəklərini nəzərə almaqla  öz marketinq strategiyalarını qururlar. Sosial şəbəkədə qarşınıza çıxan reklamlar heç də təsadüfi deyil. İnternet üzərindən axtardığınız məhsullar qısa müddət ərzində sizə reklam şəklində geri qayıdır. Məqalə yazılarkən bu nəzəriyyənin doğruluğunu sübut etmək üçün gün ərzində bir neçə dəfə biznes və biznes plan sözlərini axtarışa verdik. Günün sonunda qarşımıza xeyli sayda biznes planlabağlı reklam postları çıxdı.

Sosial şəbəkələrin vacibliyini qeyd etmişkən Azərbaycanda ən çox istifadə edilən sosial şəbəkə İnstagramdır. Növbəti yazımızda sizə bu şəbəkə haqqında geniş məlumat verəsiyik. İndi isə “Facebook” sosial şəbəkəsinin təqdim etdiyi  statistikanı sizlərə təqdim edirik. Datanın vacibliyi haqqında çox danışdıq.Yaxşı, bəs “Facebook” data statistikası Azərbaycan haqqında nə deyir ?

“Facebook” sosial şəbəkəsinin Azərbaycan haqqında verdiyi statistik  məlumatlar çoxunuzda maraq və təəccüb yaradacaq. Bəlkə də bəzilərinizin üzü güləcək,  statistik göstəricilərin bu cür olmasında mənim də payım var deyəcəksiniz.  Məhz bu statistikadan reklam agentlikləri və sahibkarlar aktiv şəkildə istifadə edirlər və faydalanırlar.

Ölkəmizdə aktiv “facebook2 istifadəçilərinin sayı  1.5-2 milyon arsında dəyişir. Faiz nisbəti ilə baxsaq, istifadəilərin 69 %-ni kişilər, 31 %-ni qadınlar təşkil edir. Göstərilən bütün məlumatlar Oktyabr ayına  olan məlumatlardır.

“Facebook” həmçinin istifadəçilərinin ailə durumu haqqında da statistik məlumat verib. Azərbaycanda bu sosial medianın istifadəçilərinin  44 % i subay, 45 % i evli, 7 % i münasibətdə, 4 %-i isə nişanlıdırlar.

Bununla yanaşı, “Facebook”, istifadəçilərin yaş qrupuna bölərək də statistikasını təqdim edir. Göründüyü kimi  25-34 yaş aralığında olan insanlar bu sosial şəbəkədən daha çox yararlanır. Yaş qrupları arasında xanımlar və bəylər arasında elə də böyük uçurum yoxdur.

Hələ bu harasıdır. “Facebook” istifadəçiləri bu şəbəkəyə xarici dil biliklərini də daxil edə bilərlər. Belə ki, məhz bu məlumatlardan istifadə edən şəbəkə azərbaycanlı istifadəçilərin dil biliklərini də təqdim edir. Gözlənilən kimi böyük pay sahibi rus dilinə məxsusdur.

Daha bir maraqlı göstərici istifadəçilərin təhsil səviyyəsi ilə bağlıdır. Statistikaya əsasən ölkədə aktiv facebook istifadəçilərinin yanlız 10 % i ali təhsillidir, 21 % i isə orta təhsillidir və 69 % i natamam ali təhsillidir, başqa sözlə, hələ universitetlərdə təhsil alırlar.

Bəlkə də ən maraqlı göstərici istifadəçilərin hansı sahələrdə işləməsidir. “Facebook” bir çox oxşar işləri bir kateqoriyada birləşdirərək təqdim edib. Biz isə sizə top 5 iş sahələrini təqdim edirik. Ölkədə menecer bolluğu  hiss olunur.

Yaxşı, bəs bu istifadəçilər şəbəkəyə hansı cihazlarla daxil olurlar ?  Androd istifadəçiləri böyük faizlə ilk sıradadırlar. Əvvəlki illərlə müqayisədə kompüterlə daxil olan istifadəçi sayı xeyli azalıb.

Əgər məqaləni sonadək oxudunuzsa bütün bu statistikadan istifadə edərək öz biznesinizi daha da genişləndirə bilərsiniz.  Növbəti məqaləmizda İnstagram sosial şəbəkəsi haqqında olan statistik məlumatları sizinlə bölüşəcəyik.

Marketinghub.az