Virtual “imperiyalar”
Ordan-burdan

Virtual “imperiyalar”

Paylaşmaq

Nutopiya ölkəsi

_AP_782938993057.jpg

Nutopiya ölkəsi 1 aprel 1973-cü ildə, “Səfehlər günü”ndə Nyu-Yorkda Con Lennon və Yoko Ono tərəfindən mətbuat konfransı zamanı elan edilib. Bu ölkənin nə ərazisi var, nə də pasportu. Himn – üç saniyə ərzində sükutdan ibarətdir. Ölkənin vətəndaşı olmaq üçün sadəcə belə bir ölkənin mövcudluğuna inanmaq lazımdır. ABŞ-ın immiqrasiya hökumət idarələri ilə problemlərini həll etmək üçün onlar özlərini ölkənin səfirləri kimi qələmə verərək, diplomatik toxunulmazlıq tələb edirdilər.

Kosmosun pionerləri

Asqardiya dövləti 2016-cı ildə elan olunub. Əsas məqsədi kosmosun dinc şəkildə istifadəsi, Yer kürəsini səma cisimlərindən qorumaq və kosmosda elmi-tədqiqat bazası yaratmaq idi. Gələcəkdə sakinlərin Ayda məskunlaşması nəzərdə tutulur. Hələlik isə 25 min nəfərlik peyk göndərilib.         

Kuqelmuqel Respublikası

Kugelmugel_(8260798179).jpg

 1971-ci ildə Edvin Lipburqer Kuqelmuqel sferik evinin ərazisində müstəqillik elan etdi. O, vergi ödəmədən, yeni respublikanın adından markalar buraxdığına görə, 1979-cu ildə 10 həftə müddətinə həbs edilir. 1982-ci ildə ev Vyanada Prater parkına aparılır, ölkənin “rəhbəri” isə ölümünədək – 2015-ci ilədək mühacirətdə yaşayır. Hazırda ölkənin 650 nəfər əhalisi var və dövləti Vyana meriyası idarə edir.

Wirtland_Crane_10_ICU.pngVirtlandiya – virtual torpaq

Virtlandiya — ilk onlayn dövlət – 2008-ci ildə yaradılıb. Cəmi 5 dollar ödəməklə bu dövlətin şəxsiyyət vəsiqəsinə sahib olmaq mümkündür. Saytda xüsusi olaraq qeyd edilib ki, virtual olan yalnız ərazidir. Vətəndaşları isə (təxminən 8 min nəfərdən çox) real olaraq, siyasət və bizneslə məşğul ola bilirlər. 

Səmadan düşən

GettyImages-697064720.jpg

2004-cü ildə Avstraliyada eynicinslilərin nikahına rədd cavabına etiraz olaraq, bir neçə Böyük Sədd rifi adalarının LGBT fəalları göy qurşağı bayrağı qaldırırlar. Ölkənin rəhbəri Deyl Anderson idi, “paytaxtı” “Səma” adlanırdı. Deyl Anderson özünün kral qanından gəldiyini bəyan edirdi. 2017-ci ildə eynicinslilərin nikahı qanuniləşdirildikən sonra, fəallar “Səma”nı yerə endirdilər.

Əjdaha ölkəsi

BE46FT-.jpg

İsveç rəssamı Lars Vilks 1980-ci ildə Kullberq qoruğu ərazisində “Nimis” (tərcüməsi “çox”) adlı abidə ucaldır. Vilks, tikilidə 70 ton ağacdan və yuvadan istifadə edildiyini aşırı dərəcədə şişirdərək elan edirdi. 1996-cı ildə o, mütəqilliyi elan edir və ölkəsini Ladoniya ( mifik əjdaha Ladonun adından götürülüb) adlandırır. Ölkə vətəndaşlığını almaq üçün saytda qeydiyyatdan keçmək lazımdır.

Kitab krallığı

GettyImages-458403965.jpg

Hey – on – Uay – Böyük Britaniyada qədim şəhərcikdir. Burada 1900 nəfər əhali yaşayır və 30 kitab mağazası var. 1977-ci ildə bibliofil Riçard Butt Heyi müstəqil krallıq, özünü Kitabürəkli Riçard adı ilə kral, atını isə baş nazir elan edir. Hazırda burada elektron kitablar qadağan edilib.

Vestarktika

Trevis Makhenri adlı amerikan 2001-ci ildə ilk virtual dövlət olaraq, Vestarktikanın yaradıldığını elan edir. Ölkə Antarktida materikinin qərb hissəsinə iddialıdır. Ölkənin əsas məqsədi – ekologiyanın qorunması və elmi tədqiqat işlərinin aparılmasıdır.

Xristianiya

_AP_09052607562.jpg

Kopenhagenin xüsusi məhəllələrindən birində yerləşən Xristianiya azad şəhəri 1970-ci illərin əvvəllərində yaradılıb. Tərk edilmiş hərbi kazarmalarda hippilər məskən salır. Hazırda burada 650 gənc və 200 uşaq yaşayır.Bütün sakinlərin bərabər hüquq və məsuliyyətləri vardır. Qərarlar ümumi yığıncaqda qəbul olunur və “hamı hamıya məxsusdur” prinsipi əsas götürülür. Bu da, elitanın yaranmasının qarşısını alır.

Vokrugsveta.ru