Maraqlı tarixə malik 6 otel
Ordan-burdan

Maraqlı tarixə malik 6 otel

Paylaşmaq

BMT-nin yaradılması: Fairmont San Francisco

GettyImages-84586234.jpg

Öz mövcudluğu müddəti boyu bu otel bir çox mühüm hadisələrin şahidi olub. Bunlardan da ən əsası, şübhəsiz, 1945-ci ildə baş tutub. 26 iyun tarixində mehmanxanada 50 ölkənin iştirakı ilə Birləşmiş Millətlər Konfransının yekun iclası keçirilir. Yekunda BMT-nin Nizamnaməsi qəbul olunur.

Tamplierlərin xəzinəsi: Şato Sen-Marten (Chateau St. Martin), Vans, Fransa

Bu beş ulduzlu otel vaxtilə tamplierlər ordeninə məxsus mülk olub. Burada orta əsrlərin əvəzolunmaz ab-havası hələ də hiss olunmaqadadır. Deyilənə görə, bu şato 1115-ci ildə inşa edilib. Rəvayət olunur ki, tamplierlər öz xəzinələrini burada basdırıb.

GettyImages-952190116.jpg

Bu qəsrdən 10 kilometr məsafədə Sen-Pol-de-Vans (Saint-Paul-de-Vence) kommunası yerləşir ki, bir çox məşhur rəssamlar – Anri Matiss, Haim Sutin, Mark Şaqal və s. burada işləyib və yaşayıb. M.Şaqal 1966-cı ildə buraya gəlmiş, 19 il burada yaşamış və burada yerli qəbirstanlıqda dəfn olunmuşdur.

“Şanlı inqilab”: Ye Olde Bell, Retford, Böyük Britaniya

26173735_1141966925936885_7386699754317841_o.jpg

Kənd mehmanxanası olan Ye-Olde-Bell əsası 1135-ci ildə qoyulub. XVII əsrdə bura İngiltərə tarixində bir çox maraqlı hadisələrə şahidlik edib. 1688-ci ildə baron Con Lavleys “şanlı inqilab”a köməklik edən öz həmfikirləri ilə burada toplaşıb. Çevriliş nəticəsində kral II Yakov devrilir və yerini Oranlı Vilhelmə təhvil verir. Onun siyasəti nəticəsində İngiltərənin ictimai-siyasi, iqtisadi həyatında bir çox mühüm dəyişikliklər baş verir.

Franklin Ruzveltin inauqurasiya nitqi: “Meyflauer” (Mayflower), Vaşinqton, ABŞ

GettyImages-50443919.jpg

Meyflauer oteli Ağ Evdən 800 metr məsafədə yerləşir. Burada FTB-nin direktoru Edqar Quver hər gün nahar edib, bir çox tanınmış simalar buranı ziyarət edib, Çarlz Lindberqin ilk transatlantik uçuşunun yekunu qeyd olunub. Lakin otel tarixində ən mühüm hadisə, ABŞ-ın 32-ci prezidenti Franklin Delano Ruzveltin inauqurasiya nitqini hazırlamasıdır. O, bu nitqi otelin 776 nömrəli otağında hazırlayıb. 

Kubanın azadlığı günü: Hotel Nacional de Cuba, Havana

GettyImages-630801725.jpg

Bu otel ölkə tarixinin bir çox əhəmiyyətli hadisələrinə ev sahibliyi edib. Fidel Kastro öz mənzil-qərargahını burada yerləşdirib. 1959-cu ilin yanvarında inqilab qələbə çalır və lider, hökumətin başçısı Fidel Kastro 3 il müddətində burada yaşayır.

Bu otelin qonaqları sırasında Ernest Heminqueyin, Jan-Pol-Sartrın və Yuri Qaqarinin də adını çəkmək olar.

Mədəni həyatın episentri: “Çelsi” (Chelsea), Nyu-York, ABŞ

GettyImages-186125635.jpg

“Çelsi” oteli Nyu-Yorkun ən məşhur məkanlarından biridir. Burada bir çox məşhur rəssamlar, şairlər və musiqiçilər görüşmüş və yaradıcılıqla məşğul olmuşdur. Məsələn, Cek Keruak burada özünün “Yolda” romanını yazıb.