Mark Eliyahu: Dağıstandan Bakıya uzanan Habil Əliyev sevgisi...
ART

Mark Eliyahu: Dağıstandan Bakıya uzanan Habil Əliyev sevgisi

Paylaşmaq

Bu kamança ustasının ifa etdiyi musiqilərə heyran olmamaq olmur. İfasının hər məqamında Azərbaycan musiqisi, milli ab-havamız hiss olunur…

Mark Eliyahu 1982-ci il 28 mayda Dağıstanda anadan olub və ailəsi ilə birgə 1989-cu ildə İsrailə köçüb. 16 yaşında olarkən Habil Əliyevin kamança ilə ifasına qulaq asır. Bundan təsirlənən Mark Bakıya köçür və Ədalət Vəzirovun rəhbərliyi altında kamança dərsləri almağa başlayır.

“Mən bu səsi birinci dəfə eşidəndə, elə hiss etdim ki, bu səs mənim həmişə daxilimdə olub, sanki,mənim daxili səsimdir. Bunu atama dedikdə o,çox sevindi. Mənim babam da Dağıstanda olduqca məşhur kamança ifaçısı olmuşdur.” Boulderjewishnews-ə müsahibəsində demişdi Eliyahu…

1999-cu ildə Eliyahu “The Spirit of the East” adlı konsertdə çıxış etmişdir. Bu konserti onun atası Piris Eliyahu bəstələmişdir. Həmçinin, konsertdə Alim Qasımov və onun qızı Fərqanə Qasımova da iştirak etmişdilər. Bundan başqa o, bu ildə İsrail Kamera Orkestrasının solisti kimi İsrail Musiqi festivalında iştirak etmişdir. 2004-cü ildə o,“Voices of Judea“ adlı ilk solo albomunu buraxır.

2012-ci ildə baş rolda oynadığı “Balada Le’aviv Habohe” adlı filmə çəkilir.

 

http://markeliyahu.com/