Evə dönüş: Nvankvo Kanu
SportİSM

Evə dönüş: Nvankvo Kanu

Paylaşmaq

Nvankvo Kanu (Nwankwo Kanu) Afrikanın dünya futboluna bəxş etdiyi ulduz futbolçulardan biridir. Nigeriyalı ulduz oyunçu 90-ların ən tanınmış, ən seviıən simalarından biri idi. O, həm Nigeriya millisində, həm də London “Arsenal”ında sərgilədiyi oyunla çoxlarını valeh etmişdi.

Bu gün isə Kanu öz populyarlığını başqa sahədə istifadə edir. Vaxtının böyük hissəsini Nigeriyada açdığı Kanu Erək Vəqfində keçirir. Gələn ay isə paytaxt Abicanda açacağı ürək mərkəzini maliyyələşdirmək üçün Londonda köhnə Premyer Liqa ulduzları ilə afrikalı əfsanələr arasında yoldaşlıq görüşü keçirməyi planlaşdırır.

Bir zamanlar özü də ürəkdən əziyyət çəkirdi Kanu…1996-cı ildə Milan “İnter”inə keçərkən həkimlər onun aorta qapağının yenilənməsi üçün ABŞ-da əməliyyat olunmalı olduğunu dedilər və o, təxminən bir il meydanlardan uzaq qaldı. “Yenidən meydanlara dönüb, kuboklar qazanmağa başladığım üçün Tanrıya şükür edirəm, amma Afrikanı və ordakı uşaqları düşünməyə də bilmirəm. Təsəvvür edin, gündə üç dəfə yeməyin güclə tapıldığı yerdə, çek-ap müayinə və əməliyyatın edilməsi hansı çətinliklər ortaya çıxarır…” Kanu deyirdi.

1999-cu ildə “Arsenal”a transfer olunduqdan sonra o, ürək vəqfini qurmağa qərar verir. Afrikanın müxtəlif yerlərində 500-dən çox uşağın həyatını qurtaran, 200-nün də gözləmə siyahısında olduğu beş xəstəxana açdı.  Xeyriyyə maçının önəmini vurğulayan Kanu: “Nə qədər çox pulu, nə qədər tez toplaya bilsək, uşaqlara o qədər tez yardım etmiş olarıq. Ürək, gözləyə biıəcək bir şey deyil. Çox tez hərəkət etməliyik…” deyə qeyd edir.

Bu xeyriyyə maçında keçmiş komanda yoldaşları Sol Kempbel, Rober Pires və Loranın da mütləq iştirak edəcəyini deyir. Bu işdə Arsen Vengerin də ona daim yardımçı olduğunu qeyd edir.

Socratesdergi.com