İran: mini-bələdçi
Ordan-burdan

İran: mini-bələdçi

Paylaşmaq

 21 mart 2018-ci il tarixdə – gecə-gündüz bərabərliyi günü İran hicri tarixi ilə 1397-ci ilə qədəm qoydu. Ölkənin şimalı dağlıqdır və soyuq fəsildə bura çoxlu qar yağır. Cənub isə – Fars körfəzinə dayanır və hətta qış aylarında da hava isti keçir. Burada dünyanın ən böyük dağ-xizək kurortlarından biri – Dizin yerləşir. Çimərliklər isə kişi və qadın çimərliklərinə ayrılır.

İran dünyanın ən qədim tarixə malik ölkələrindən biri olmaqla, həm qədim fars, həm islam memarlığını, eləcə də, Zərdüştilik məbədlərini saxlayır.

GettyImages-519760151.jpg

Tehran – ölkənin ən böyük şəhəri və paytaxtıdır. Şəhərin şimal hissəsi dağlarla əhatə olunur və iqlimi soyuq və yağıntılıdır. Cənub hissəsi isə isti və qurudur.

GettyImages-171242972.jpg

Azadi qalası – Tehranın ən tanınmış tikilisidir. Qala aeroportdan şəhərə gedən yolda yerləşir və buradan da Tehranın ən uzun prospekti – Azadi prospekti başlayır.

GettyImages-157393870.jpg

Tehrandan 339 km cənubda turistlərin ən sevimli şəhəri – İsfahan şəhəri yerləşir. Tehrandan buraya avtobusla 6, təyyarə ilə 1.5 saata çatmaq mümkündür.

GettyImages-685944476.jpg

İmam meydanı İsfahanda yerləşir və YUNESKO-nun ümumdünya irs siyahısına düşüb. Böyüklüyünə görə Pekindəki Tyanyanmen meydanından sonra ikinci ən böyük meydandır.

GettyImages-840494110.jpg

GettyImages-157404462.jpg

Daha 350 km cənuba – 5-6 saatlıq yol getsəz Şiraz şəhərinə çatacaqsız. Bu şəhər başdan-ayağa yaşıllıqların içərisindədir. 1979-cu ilədək Şiraz şərabçılıq mərkəzi olub və burda eyniadlı şərab istehsal olunurdu.

GettyImages-536020529.jpg

Şiraz – Sədi. Hafiz kimi böyük şairlərin, mütəffəkirlərin vətənidir. Şəhərdə bir çox fars mədəniyyət xadimlərinin mavzoleyi yerləşir.

GettyImages-652159524.jpg

Şah-Çeraq məscid-mavzoleyi çoxlu yaşıl şüşə qırıqları ilə bəzədildiyinə görə, ilk baxışdan parlaq billura oxşayır.

GettyImages-672157895.jpg

Şirazdan 310 km şimal-şərqdə ölkənin ən qədim şəhərlərindən biri olan Yəzd şəhəri yerləşir. şəhərin yaşı beş min ildən az deyil.

GettyImages-953280798.jpg

Qədim Yəzd şəhəri gil evləri, dolanbac. girintili-çıxıntılı küçələri ilə məşhurdur. 2017-ci ildə Yəzd YUNESKO-nun mədəni irs siyahısına düşmüşdür.

GettyImages-523104161.jpg

Yəzddə dünyada ən böyük Zərdüştilik mərkəzi yerləşir. Hətta şəhərdə müasir Zərdüşt məbədi – Ataşkadeh – mövcuddur.

GettyImages-639854184.jpg

Buradan yenidən 620 km şimala – Tehrana dönmək olar. Amma şəhəri tələsik tərk etməyin, Milli muzeyə və ya xalça muzeyinə gedin. Müxtəlif qədimi suvenirlər almaq üçün şərq bazarına da getmək olar.

Vokrugsveta.ru