Tsundoku sindromu nədir?
Yaşam

Tsundoku sindromu nədir?

Paylaşmaq

Tsundoku sindromu nədir?

Əvvəla qeyd edək ki, bu söz yapon sözüdür və Meiji (1868-1912) sülaləsi dövrünə aiddir. Söz yaponca 積んでおく”əşyaları qalaq-qalaq yığmaq” və “sonraya saxlamaq” və 読書 “kitab oxumaq” ifadələrinin kombinasiyasından yaranıb.

Tsundoku sindromu deyildiyində gözünüzün önünə sosial mediada paylaşmaq və ya kitabların çoxlu görünməsi naminə kitab almaq gəlməsin. Əslində, tsundoku sindromuna sahib insanlar kitab oxumaq bacarığına malikdirlər. Lakin oxuyacaqlarından çox kitab almağı sevirlər. Tsundoku sindromu budur.  Bu sindroma sahib adamlar kitab sərgilərinə getməkdən həzz alırlar.

Tsundoku xəstəliyi olan adamlarda bilinən əlamətlər hansılardır?

1-   Kitabları istifadə etməyi düşünməzlər və bir gün onları oxuyacaqlarını düşünərlər. 
2-  Evdə kitabların çox olması onları hər zaman xoşbəxt edər.
3- Yeni alınmış kitab qoxusunu çox sevərlər.
4- Mütləq oxunması gərəkən kitablar siyahısında yer alan kitabların çoxu əllərində var.
5- Başqalarına kitab hədiyyə etməyi xoşlamazlar.Versələr də, tez-tez qaytarmağı tələb edərlər. 
6- Ən çox gəzməyi xoşladıqları yer kitab sərgiləridir.
7- “Oxumayacaqsansa nə üçün alırsan?” deyən insanlara çox əsəbləşərlər.
8- Planşetdə və ya digər elektron vasitələrdə kitab oxumağa nifrət edərlər. 
9- Ara-sıra kitab evlərinə kitab oxumağa getsələr də, kitab almadan özlərini tuta bilmirlər.