Braziliyanın və dünyanın “Qızıl oğlan”ı: Kaka...
SportİSM

Braziliyanın və dünyanın “Qızıl oğlan”ı: Kaka

Paylaşmaq

Bu hekayə, Braziliyanın dünya futboluna bəxş etdiyi növbəti töhfə, ulduz Kaka haqqındadır.

 Rikardo İzekson dos Santos Leyte (Ricardo Izecson dos Santos Leite) 22 aprel 1982-ci ildə Braziliyanın Qama federal dairəsində, inşaat mühəndisi Bosko İzekson Pereyra Leyte və ibtidai sinif müəllimi Simona dos Santosun ailəsində dünyaya göz açıb. Maddi imkanı yaxşı olduğundan o, həm məktəbə, həm də futbola lazımı qədər diqqət yetirə bilirdi. Onun kiçik qardaşı uşaqlıqda “Rikardo” adını təlləfüz edə bilmədiyi üçün, ona “Caca” deyirdi. Sonda isə bu ad Kaká oldu. Bu sözün portuqal dillindən konkret tərcüməsi yoxdu. Kakanın futbol karyerası 8 yaşında yerli klubların birində (“Alfaville”) başlayıb. Uşaqkən tennis ilə məşğul olub, amma San-Paulu futbol komandası ilə 15 yaşlılar üçün nəzərdə tutulmuş müqaviləni bağlayandan sonra, o, futbolu gələcək sənəti seçdi. 

Kaka 18 yaşında hovuza uğursuz düşməsi nəticəsində onurğa sütunundan ağır zədə aldı. Bu hadisə nəyinki onun idman karyerasını yarımçıq saxlaya bilərdi, həm də ömürlük əlil arabasında qalmağına səbəb olardı, amma o, gözləniləndən tez tam sağala bildi. Kaka sağalmasını Tanrının müdaxiləsi nəticəsində baş verdiyini düşünür və o vaxtdan dindar olub.

Igreja Renascer em Cristo (Mesih Kilsəsində dirçəliş) adlı kilsəyə öz gəlirlərinin onda bir hissəsini verirdi. 2010-cu ilin dekabrında kilsə qurucuları Estevam və Soniya Ernandesin vergi ödəməkdən yayındıqları üçün həbs cəzası almaları və 7 nəfərin ölümünə səbəb olmuş kilsə tavanın dağılmasından sonra, Kaka həyat yoldaşı ilə birlikdə bu kilsəni tərk etdi. Belə bir söhbət gəzir ki, Küveytdə olarkən islamı qəbul etdiyini elan edib, lakin bu barədə əlimizdə təsdiqləyici material yoxdur.

2003-cü ildə İtaliyanın Milan klubu 8,5 milyon avro müqabilində onu transfer etdi. Milandaki karyerası ərzində İtaliya A Seriyasını və Çempionlar Liqasını qazanmışdır,  2007-ci ildə o, FİFA-nın İlin Oyunçusu və Ballon d’Or mükafatlarını almışdır. Milandaki uğurlu çıxışından sonra Kaka 65 miliyon avro müqabilində Real Madridə keçdi. O vaxt üçün bu futbol tarixinin ən bahalı (avro) ikinci transferi idi, yalnız 75 milyonluq Zinəddin Zidandan geridə qalırdı. İspaniyada dörd mövsümdən sonra Kaka 2013-cü ildə bir sezonluq Milana qayıtdı və Milanın formasında özünün 100-cü qolunu vurmağa bacardı. 2013-14 mövsümünün sonunda o, ABŞ klubu Orlando Sitiyə keçdi, amma ABŞ-da yeni mövsümün hələ başlamamasına görə, icarə əsasında keçmiş klubu San-Pauluya qayıtdı. 2015-ci ildə o, Orlandoda oynadığı debüt oyununda ilk qolunu vura biilmişdi; sonradan o, “2015 ABŞ çempionatının ulduz komandasının” heyətinə salınmışdı, orada ona Ən Dəyərli Oyunçu adını vermişdilər.

Beynəlxalq səviyyədə Kaka Braziliya millisində 2002-ci ildə debüt etdı və həmin il Dünya Çempionatında qalib gələn heyətin üzvlərindən idi, o, 2006 və 2010-cu illərdə də millisi ilə Dünya Çempionatında iştirak etmişdir. 2005 və 2009-cu illərdə Konfederasiya Kubokunu udan Braziliya millisinin heyətində idi. 2009-cu ilki Konfederasiya Kubokunun ən yaxşı oyunçusu seçilmişdir.

Bacarıqlı oyunu ilə əlavə Kaka humanitar fəaliyyəti ilə tanınır. 2004-cü ildə Kaka BMT-nin Ümumdünya Ərzaq Proqramının ən gənc səfiri oldu. Meydanda və onun kənarında töhfələrinə görə Kaka 2008 və 2009-cu illərdə Time jurnalının “Dünyanın 100 ən nüfuzlu adamları” siyahısında yer almışdır. Kaka Twitter sosial şəbəkəsində 10 milyon təqibçi yığan ilk sportsmen olmuşdur.

Wikipedia