Bütün dünyanın gözü 07 oktyabr 2018-ci il tarixdə səhər saatlarında ABŞ-a, Las Veqasa – T-Mobile Arenaya dikilmişdi. Bu saatda, bu məkanda UFC versiyası üzrə yüngül çəkili döyüşçülər arasında “əsrin döyüşü” baş tutdu. Döyüşün özündən çox döyüş qabağı səs-küyü, atmosferi hər kəsi maraq içində buraxmışdı və məlum olduğu kimi, Həbib Nurmaqomedov dördüncü raundda rəqibini boğucu fəndlə məğlub etməyi bacarır.
Bəs döyüşün qəhrəmanları kimdir, onlar haqqında nə bilirik?
Konor Entoni Makqreqor (Conor Anthony McGregor) 14 iyul 1988-ci ildə İrlandiyada, Kramlin adlı kiçik şəhərcikdə anadan olub. O, burada futbolla məşğul olmağa başlayıb, yerli “Luders Seltik” adlı klubda məşğul olub və “Mançester Yunayted”ə azarkeşlik edib.
2006-cı ildə ailəsi Lukan şəhərinə köçür və Entoni burada «Colaiste Cois Life» adlı orta məktəbə gedir. Orta təhsilini başa vurduqdan sonra su kəməri işçisi peşəsi üzrə təhsil alır və santexnik işləyir. Həmçinin Tom İqanın rəhbərliyi alıtnda güləşlə məşğul olur. Eyni zamanda, qarışıq döyüş növlərinə maraq göstərir. Ancaq ailəsi onun döyüş nöbləri ilə məşğul olmasına qarşı idi və dəfələrlə atası ona bunu qadağan etmişdi. Lakin o, hər dəfə vaxt tapdıqca, məşqlərə qaçırdı. Bir dəfə atasına “Mən milyonçu olanda elədiklərinə peşman olacaqsan” demişdi. Bir gün onun həyatı büsbütün dəyişir. tanış olduğu qız, onun gələcək döyüş karyerasının əsasının qoyulmasında müstəsna rol oynayır, öz maşını ilə onu məşqlərə aparır, öz pulu ilə Entoniyə vitaminli qidalar alırdı. Artıq 16 yaşında Entoni SBG komandasının heyətinə düşməyi bacarmışdı. Aktivində 21 qələbə və 4 məğlubiyyət var.
Əlbəyaxa döyüş üzrə Avrasiya kuboku və çempionatının qalibi, Rusiya çempionu, döyüş sambosu üzrə ikiqat dünya çempionu, pankration üzrə Avropa çempionu, qrepplinq üzrə dünya çempionu (NAGA Grappling versiyası üzrə) Həbib Nurməhəmmədov (Xabib Nurmagomedov) 20 sentyabr 1988-ci ildə Dağıstan Muxtar Respublikasının Sumadin rayonunun Sildi kəndində dünyaya gəlib. Milliyyətcə avardır. İlk məşqləri atası Abdulmanap Nurmaqomedovun rəhbərliyi altında etmişdir. Aktivində 27 döyüşdən 27 qələbə var.